सहिद लाजेहाङको आमाको निधनः आजै अन्त्येष्टि
दमक, ११ साउन । प्रदेश नं. १ को कोशी नाम खारेजी आन्दोलनका क्रममा सहिद भएका पदम कुमार लिम्बु लाजेहाङको आमाको निधन भएको छ । बिक्रम सम्वत २०१५ साल भदौं चार गते तेह्रथुममा जन्मिएकी धनमाया लिम्बुको...
ललितपुर, ११ साउन । भाषा आयोगका माननीय अध्यक्ष डा. गोपाल ठाकुर, आयोगका माननीय सदस्यहरू तथा प्रमुख कर्मचारीहरूसँग किरात याक्थुङ चुम्लुङका प्रतिनिधिहरूबीच शुक्रबार काठमाडौंमा छलफल तथा भेटघाट कार्यक्रम सम्पन्न भएको छ।
प्रदेश नं. १ मा याक्थुङ/लिम्बु र मैथिली भाषालाई सरकारी कामकाजको भाषाको रूपमा कार्यान्वयन गर्न आवश्यक समन्वय र तयारीका विषयमा विस्तृत छलफल भएकाे छ ।
किरात याक्थुङ चुम्लुङका अध्यक्ष प्रेम एक्तेन लगायत प्रतिनिधिमण्डलले प्रदेश नं. १ को सामाजिक-सांस्कृतिक विविधता र संविधानद्वारा सुनिश्चित भाषिक अधिकारको सन्दर्भमा मातृभाषामा सेवा प्राप्त गर्ने जनताको अधिकार सुनिश्चित गर्न आग्रह गरेका छन् ।
याक्थुङ (लिम्बु) र मैथिली भाषाको प्रयोग सरकारी कार्यालयहरूमा संस्थागत रूपमा कार्यान्वयन गर्न ठोस कार्ययोजना निर्माणका लागि आयोगसँग सहकार्य आवश्यक रहेको उनीहरूको भनाइ थियो।
भेटघाटमा भाषा आयोगका अध्यक्ष डा. ठाकुरले संविधानले प्रत्याभूत गरेको भाषिक अधिकारलाई कार्यान्वयनमा लैजान आयोग प्रतिबद्ध रहेको बताउँदै प्रदेशस्तरीय समन्वय र स्थानीय तहसँगको सहकार्यबाट कार्यान्वयन प्रक्रिया अघि बढाउने बताउनु भयाे ।
उक्त भेटघाट कार्यक्रममा कियाचु उपाध्यक्ष गाेविन्द अाङबुङ, महासचिव निरन्ती तुम्बापाे, काेषाध्यक्ष अमर तुम्याहाङ, भाषाविद्ध येहाङ लावती लगायत प्रतिनिधिहरूकाे सहभागीता रहेकाे थियाे ।
