लिम्बुवानखबर, ९ भदौ । जनता समाजवादी पार्टी (जसपा) नेपालले विराटनगरमा अभिमुखीकरण कार्यक्रमको आयोजना गरेको छ । आइतबार जसपा प्रदेश नं. १ को आयोजनामा पार्टीका अध्यक्ष उपेन्द्र यादवको प्रमुख आतिथ्यतामा सो कार्यक्रम आयोजना गरिएको हो ।

कार्यक्रमलाई सम्बोधन गर्दै अध्यक्ष यादवले नेकपा एमालेका अध्यक्ष केपी शर्मा ओली यो देशको राष्ट्रघाती भएको बताए । विराटनगरको माडवाडी सेवा समितिको भवनमा आयोजित कार्यक्रमलाई सम्बोधन गर्दै उनले ओली राष्ट्रघाती भएको जिकीर गरेका हुन् ।

यादवले भने –‘ओली राष्ट्रवादी होइनन्, नक्कली राष्ट्रबादीको खोल ओडेर जनतालाई झुक्याएर, छक्काउने र भ्रममा पारिरहन्छन् । त्यसैले म भन्छु, –‘केपी जतिको राष्ट्रघाती कोही पनि देखिन ।’

कार्यक्रममा अन्य वक्ताहरु बरिष्ठ नेता अशोक राई, त्यसैगरी कार्यकारिणी सदस्यहरु महेन्द्रराय यादव, शुसिला श्रेष्ठ, पर्शुराम खापुङ र रकम चेम्जोङ् लगायतका नेताहरुले सम्बोधन गरेको प्रदेश नं. १ का कार्यालय सचिव कमन देवानले बताए ।