ललितपुर, २२ साउन । घरेलु टोली नेपाल काभा वुमन्स नेसन्स भलिबल लिगको फाइनलमा पुगेको छ । मंगलबार नेपालले इरानलाई सोझो सेटमा पराजित गर्दै भारतसँगको उपाधि भिडन्तलाइ पक्का गरेको हाे ।

यससँगै नेपालले यसअघि आइतबार समूह चरणमा इरानसँग भोगेको हारको बदला पनि लिएको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको दोस्रो सेमिफाइनल भिडन्तमा नेपालले इरानलाई ३-० को सोझो सेटमा हराएकाे हाे ।

नेपालले इरानविरुद्ध पहिलो सेटमा २५-२१, दोस्रोमा २८-२६ र तेस्रोमा २५-२० को जित निकालेको हो । नेपालले फाइनल यात्रा तय गर्दा सयौँ दर्शकले साथ दिएका थिए ।

त्यसक्रममा नेपाली टोलीले मानसिक र शारीरिक रुपमा पनि आफूलाई अब्बल सावित गरेर भारतसँग बुधबार हुने उपाधि भिडन्त पक्का गरे हाे ।