बेलायत । संघीय लोकतान्त्रिक राष्ट्रिय मञ्च संघीय लिम्बुवान मञ्च, नेपालको प्रवास समिति यूकेको रशमुर शाखाको तेस्रो अधिवेशन सम्पन्न भएको छ । शनिबार यूके रशमुरको एम्पायर बाङ्क्विटिङ हलमा आयोजित कार्यक्रमले थान कुमान नाल्बोको अध्यक्षतामा रशमुर शाखा गठन भएको हो ।

त्यसैगरी समितिको उपाध्यक्षहरुमा भक्तिहाङ नेम्बाङ लिम्बु, सन्तोष फावेन लिम्बु चयन हुनुभएको छ भने सचिवमा बचन लिम्बु हुक्पा चोङबाङ, सह–सचिवमा सेसेहाङ इवा लिम्बु, अर्थसचिवमा दिलीप लिम्बु आङ्बुहाङ, सह–अर्थसचिव बिष्णुमान राई देवान निर्वाचित भएका छन् । यसरी नै सदस्यहरुमा क्रमशः देउमान तेयुङ लिम्बु, गणेश साम्बाहाङ्फे लिम्बु, भक्त राई र श्री चन्द्र राई हुनु हुन्छ । त्यसैगरी सल्लाहकारहरु धनकुमार नेम्बाङ, हिन्दु प्रसाद लिम्बु र तेजप्रकाश लाओती मनोनयन भएका छन् ।

लिम्बुवान सामाजिक मञ्च यूके प्रवासका केन्द्रीय उपाध्यक्ष नरबहादुर कुरुम्बाङको प्रमुख आतिथ्यता रहेको उक्त कार्यक्रममा, केन्द्रीय महासचिव राम इजम, वेस्ट लण्डन शाखा अध्यक्ष हेम तुम्बापोको उपस्थिति रहेको थियो । कार्यक्रमको अध्यक्षता हिन्दु प्रसाद लिम्बुले गरेका थिए ।