दमक, १२ असोज। दमकका पुराना स्थापित सुनचाँदी ब्यवसायी काशीराम विश्वकर्मा (खाती) संघको दमक अध्यक्षमा निर्वाचित भएका छन् । दमकका सामाजिक तथा ब्यवसायीक अगुवा खाती दमक सुनचाँदी व्यवसायी संघको छैंठौ अधिवेशनबाट अध्यक्षमा चयन भएका हुन् ।

मंगलबार दमक ५ स्थित संघको आफनै कार्यालयमा सम्पन्न छैठौ अधिबेशनले खातीको अध्यक्षतामा नयाँ नेतृत्व चयन गरको छ ।

सर्वसम्मत गठित समितिको उपाध्यक्षमा पुष्पलाल गजमेर, सचिवमा चन्द्र गजमेर, सह–सचिवमा उमेश गजमेर र कोषाध्यक्षमा हेमसागर अधिकारी चयन भएका छन् । यसैगरि सदस्यहरुमा जितबहादुर गजमेर,नन्दबिर ल्वागुन, विवेक बिक लामगाँदे, अजितकुमार शंकर, रुपक सापकोटा, रोहितबहादुर विश्वकर्मा, विश्वनाथ नेपाल, सुष्मा निरौला केसी निर्वाचित भएका छन् ।

यसैवीच नवनिर्वाचित अध्यक्ष खातीले आफुलाई जिम्मेवारी दिने सबैप्रति आभार प्रकट गर्दे व्यवसायिक हकहितको निम्ती काम गर्ने प्रतिवद्धता व्यक्त गरेका छन् ।