दमक, ६ भदाैं । युनाइटेड गुरुङ सोसाइटी अफ अमेरिका (युजीएसए) को सहयोगमा झापाको दमक ३ स्थित बेलडाँगीका अशक्त भुटानी शरणार्थी व्यक्तिहरुलाई राहत प्रदान गरिएको छ ।
वृद्धवृद्धा र अपाङ्गता भएका गरी अति समस्यामा परेका बेलडाँगीका ५० जनालाई युजीएसएको तर्फबाट जाडो छल्ने ब्लाङ्केट र दशैं खर्च स्वरूप ५ सयका दरले नगद सहयोग प्रदान गरिएको हो ।
बुधबार शिविरमा आयोजित एक कार्यक्रमका बीच सामाजिक अगुवाहरु अगम गुरुङ, पूर्व शिविर सचिव टिबी गुरुङलगायत सोसाइटीका पदाधिकारीको तर्फबाट राहत प्रदान गरिएको थियो ।
फरक क्षमता भएका आफ्नै समुदायका मानिसहरुलाई सहयोग गर्न पाउँदा आनन्द लागेको पूर्व शिविर सचिव टिबी गुरुङले बताए । साथै उनले स्वदेश (भुटान) फिर्तिको सपना र अडान कायमै राखेर शिविरमा बसोबास गरिरहेका सबैप्रति कृतज्ञता व्यक्त गरे ।
सोसाइटीको तर्फबाट अहिले सामान्य सहयोग मात्रै गर्न सकेको भन्दै हेरिसबर्ग निवासी अगम गुरुङले आगामी दिनमा थप सहयोग गर्ने प्रतिवद्धता व्यक्त गरे ।
शिविरका सन् २०१५ देखि सेवा गर्दै आइरहेकी देवीमाया गुरुङले हाल ५० जनालाई राहत उपलब्ध गराउन पाएकोमा खुशी लागेको बताइन् । उनका अनुसार अशक्तहरु मध्येबाट पारिवारिक अवस्थालई हेरेर ५० जनालाई यस कार्यक्रममा सहभागी गराइएको जानकारी दिइन् ।
दातृ निकाय युएनएचसिआरलगायतले शिविरमा रहेका अशक्त भुटानी शरणार्थीहरुलाई हेरचाह गर्न छाडेपछि पुनर्वास रोजेर अमेरिका, क्यानडा, अष्ट्रेलया, डेनमार्क, न्यूजल्याण्ड, नर्वेलगायत विभिन्न मुलुक पुगेका शरणार्थी व्यक्ति र समूहले अशक्तहरुको जीवनयापनमा बेलाबेला सहयोग गर्दै आएका देवीमायाको भनाइ छ ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७