ललितपुर, १३ असोज । तीन दिनको अविरल बर्षाको कारण बाढीपहिरो र डुबानमा परी हालसम्म १०० जनाको मृत्यु भएको छ । यस्तै प्राप्त जानकारी अनुसार ६७ जना बेपत्ता भएका छन् भने १०१ जना घाइते गृहमन्त्रालयले जनाएको छ ।

गृह मन्त्रालयका प्रवक्ता ऋषिराम तिवारीका अनुसार हालसम्म ललितपुरमा १८, धादिङमा १५, काठमाडौंमा २५, काभ्रेमा १०, मकवानपुर सात, सिन्धुपाल्चोक छ जना, सोलुखुम्बु पाँच, पाँचथर पाँच, भक्तपुर पाँच जनाको मृत्यु भएको छ भने दोलखामा तीन, सिन्धुलीमा दुई, धनकुटा दुई, महोत्तरी दुई, रामेछाप एक, झापा एक, उदयपुर एक, इलाम एक, सप्तरी एक र नुवाकोटमा एक जनाको मृत्यु भएको छ ।

अविरण बर्षाले गएको बाढीपहिरो प्रभावित क्षेत्रमा खोजी र उद्धारका लागि दशौं हजार सुरक्षाकर्मी परिचालन गरिएको छ । गृहमन्त्रालयले हालसम्म तीन हजार ३९ जनाको उद्धार गरिएको जनाएको छ ।

गृहमन्त्रालयका अनुसार हालसम्म सबैभन्दा धेरै काठमाडौं उपत्यकामा क्षति भएको जनाएको छ । देशको सबै मार्गहरु क्षति भएको हुँदा बाटोमा कति पुरिएर हराईरहेका हुँदा त्यसको खोजतलास भईरहेको बताइएको छ ।

देशका मुख्य नदीहरु सप्तकोशी, नारायणी, बाग्मती, गण्डकी लगायत सबै नदीहरुले सतह पार गरी धनजनको ठूलो क्षति भएको हुँदा के कति क्षति भयो यसको विवरण अझै आउन बाँकी रहेको गृहमन्त्रालयले जनाएको छ । साथै लामो यात्रा नगर्न समेत मन्त्रालयले सबै महानुभावहरुमा अनुरोध गरेको छ ।

यसैगरी शिक्षा मन्त्रालयले एक सूचना जारी गर्दै तीन दिनसम्म विद्यालय तथा क्याम्पसहरु बन्द गर्न अनुरोध गरेको छ ।