केचनकवलमा उदाउँदो बाल प्रतिभा –सञ्जीव गन्दर्भ

 लिम्बुवान न्युज
केचनकवलमा उदाउँदो बाल प्रतिभा –सञ्जीव गन्दर्भ

दमक। झापाको दक्षिणमा अवस्थित भारतसँग सिमाना जोडिएको नेपालकै होचो स्थानको रुपमा चिनिएको ऐतिहासिक नाम हो कचना । स्थानीय निकाय निर्माणको क्रममा साविक घेराबारी, पथरीया, केचना, पाठामारी, बनियानी र बालुवाडी गाविसहरुलाई जोडेर कचनकवल गाउँपालिका बनाइएको छ । १०९.४५ वर्ग किलोमिटर क्षेत्रफल भएको यो गाउँपालिकालाई ७ वटा वडाहरुमा विभाजन गरिएको छ । गाउँपालिकामा कूल जनसंख्या ४२ हजार ९ सय १२ रहेको पछिल्लो तथ्याङ्क पाइन्छ । यो पालिका भारतसँग जोडिएको छ ।

मुख्य भाषा राजवंशी, मुसलमान, ब्राम्हण, क्षेत्री, गनगाई यहाँका मुख्य जातीहरु हुन् भने आदिवासी जनजाति दलितहरुको पनि बसोबास रहेको यो गाउँपालिकाको मुख्य भाषा राजवंशी हो ।

यस गाउँपालिकाको वडा नं. २ मा करिब ४१ घर लोपोन्मुख जाती गन्दर्भहरुको बसोबास रहेको पाइन्छ । त्यहाँ जन्मिएका एउटा प्रतिभा हुन् सञ्जीव गन्दर्भ । उमेरले १६ काटेर १७ लाग्दै गरेका उनी सारांगी बजाउन र गीत गाउँनमा अब्बल देखिन्छ । हाल कक्षा ९ मा अध्ययनरत भाईको गलाले जो कसैलाई पनि मोहित पार्न सक्छ । भविष्यमा एक सफल गायक र संगीतकार बन्ने धोको उन्को रहेको छ ।

                                         सञ्जीव गन्दर्भ

झापाको कचनकवलबाट बिहानीको बस चढेर कहिल्यै धनकुटा, कहिल्यै धरान, बिराटनगर, इटहरी हुँदै झापाको सबै स्थानहरुमा आफ्नो सारथी सारांगी बोकेर गीत गाउँदै हिड्नु पर्दा मनभित्रका पिढा र बोझ अलिकति पनि घटेको महसुस गर्ने सञ्जीवले भारतको खर्साङ्, दार्जिलिङ्, सिलीगुढी लगायतका ठाउँमा समेत आफ्नो गायकी प्रतिभा पस्केको बताउँछन् ।

उनका बुबा पनि आफै जस्तै सारंगी बोकेर आर्थिक जोहो गर्दै घरको हातमुख जोड्ने काम गरिरहेको बताउने गन्दर्भ भाईले आफू भने यसलाई पार्ट जबको रुपमा उपयोग गरेको बताउँछन् । स्कुल विदाको समय अथवा फुर्सद भयो कि सारांगी बोकेर निस्किहाल्छु भन्छन् । एकतिर पैसा पनि हुने अर्को तिर आफ्नो प्रतिभालाई निरन्तर निर्खान पनि पाईने उन्नको भनाई छ । हाल गन्दर्भहरुले पेशा परिवर्तन गरिरहेको समेत उनको तर्क छ । विशेषत अहिलेको नयाँ पुस्ताहरुले शिक्षासँगै वैदेशिक रोजगारीमा जान थालेपछि आफ्नो पूर्खौली पेशा छोड्दै लगेको बताउँछन् । हाल २० देखि २२ जना मात्रै यो पेशा अंगालेर यसरी हिडिरहेका छन् बाँकी सबै अन्य विभिन्न पेशामा आबद्ध भएको बताउँछन् । यसरी घुमेर सारांगी बजाएर सडकपेटीमा मागेर मात्र गुजारा चल्न गाह्रो भएपछि अन्य पेशा अपनाउन थालेको उनले बताए ।

आफू १० बर्षको हुँदा देखि सारांगी बजाउन सिकेका सञ्जीवले अहिले यसरी सारांगी बोकेर हिड्न थालेको ७ बर्ष जति भयो । उनको स्वरमा माधुर्यता छ भने भोलिको दिनमा अवसर पाउँदा गाउँन सक्ने क्षमता अब्बल देखिन्छ ।

उनको स्वरले जो कसैलाई पनि मन्त्रमुग्ध बनाउन सक्छ । कलाकारितामा उदाउँदो नेपालकै होचो स्थानमा जन्मिएका भाईको उच्च कद मिलोस् सफलताको शुभकामना ।

सम्बन्धित समाचार

प्रधानमन्त्रीबाट चाइना नेपाल फ्रेण्डसीप इन्डस्ट्रियल पार्कको शिलान्यास

कमल। प्रधानमन्त्री केपी शर्मा ओलीले आफ्नो निर्वाचन क्षेत्र झापाको चाइना नेपाल फ्रेण्डसीप इन्डस्ट्रियल पार्कको शिलान्यास गरेका छन् । त्यसैगरी आजै झापाको कमल २ स्थित कमल खोलामा निर्माण गरिएको पक्की पुलको उद्घाटन गरेका छन् । आजै...

इलाममा प्रेस युनियन र प्रेस नेपाल बिच कार्यगत एकता

इलाम। नेपाल पत्रकार महासंघ इलाम शाखाको आगामी चैत्र पहिलो साता हुने नयाँ नेतृत्व चयनको निर्वाचनमा नेपाल प्रेस युनियन र प्रेस नेपालले कार्यगत एकता गर्ने भएका छन् । शनिबार दुई संगठनले कार्यगत एकता गर्ने भन्दै ३...

अनलाइनखबरको प्रधानसम्पादकमा शिव गाउँले नियुक्त, सम्पादक बरालको विदाई

काठमाडौं । नेपालको नम्बर वान अनलाइनखबरको प्रधान सम्पादकमा शिव गाउँले नियुक्त भएका छन् । नम्बर वान अनलाइन न्यूज पोर्टल संचालक अनलाइनखबर नेपाल प्रा.लिको सञ्चालक समिति बैठकले गाउँलेलाई प्रधान सम्पादकमा नियुक्त गर्ने निर्णय गरेको हो ।...

अन्तराष्ट्रिय याक्थुङ अनलाइन गजल प्रतियोगिताका विजयीहरुलाई पुरस्कार वितरण

दमक। याक्थुङ साहित्य गजल समूहले आयोजना गरेको अन्तर्राष्ट्रिय याक्थुङ अनलाइन गजल प्रतियोगिताका विजेताहरुलाई पुरस्कार वितरण गरिएको छ । आज झापाको दमकमा आयोजित कार्यक्रममा विजेताहरुलाई नगद तथा प्रमाणपत्रले सम्मान गरिएको हो । अन्तराष्ट्रिय याक्थुङ अनलाइन गजल...