दमक।संघीय लोकतान्त्रिक राष्ट्रिय मञ्च तथा संघीय लिम्बुवान मञ्चले आज राष्ट्रिय शहिद राजकुमार आङ्देम्बे माङ्तोकको तेह्राऔं स्मृति दिवस नौ जिल्लामा विभिन्न स्थानहरुमा श्रद्धाञ्जलि सभा गर्दै मनाउने जनाएको छ ।

२०६४ असोज २० गते पूर्ण ऐतिहासिक संविधानसभाको चुनाव समानुपातिक पद्दतीले गर्नु पर्ने, अरुण पूर्व नौ जिल्ला ऐतिहासिक पृष्ठभूमिको आधारमा लिम्बुवान स्वायत्त राज्य स्थापना गरिनु पर्ने माग राखी गरिएको आन्दोलनको क्रममा शहिद माङ्तोकले शहादत्त प्राप्त गरेको मञ्चका महासचिव अशोक चेम्जोङ्ले बताएका छन् ।

आधुनिक लिम्बुवान आन्दोलनका शहिदले चिनिने माङ्तोक र विद्यार्थी राष्ट्रिय शहिद मनिल तामाङ्हरुको स्मृतिमा नेपाल सरकार संस्था दर्ता ऐन अनुसार “शहिद राजकुमार आङ्देम्बे ‘माङ्तोक’–मनिल तामाङ् स्मृति प्रतिष्ठान” संस्था संचालन गरि नौ जिल्लामा क्रियासिल भएको प्रतिष्ठानका महासचिव दिल कुमार लावतीले जनाएका छन् । आज प्रतिष्ठानले शहिद माङ्तोकको निर्माणाधिन शालिकको मञ्चका अध्यक्ष कुमार लिङ्देन ‘मिराक’को हातबाट अनावरण गर्ने कार्यक्रम रहेको प्रतिष्ठानका महासचिव लावतीले बताए ।