• बसन्तराज सुब्बा,

केर्खाबजार, झापा । “युवाको प्रतिवद्धता, लागु औषध दुव्र्यसनी मुक्त कमल गाउँपालिका” भन्ने नाराक साथ कमल युथ फाउन्डेशनको आयोजनामा मिनी म्याराथन प्रतियोगिता सम्पन्न भएको छ । झापाको कलमस्थित केर्खाजारमा नयाँ बर्षको अवसरमा वैशाख १ गते १२ किलो मिटर दुरीको मिनी म्याराथन आयोजना गरिएको हो ।

कमल ४ सिद्धार्थ चौकबाट सुरु भई वडा नम्बर २ को समयगढ, क्याम्पा बजार हँुदै वडा नम्वर ३ केर्खा बजारसम्म १२ किलो मिटर दुरीको उक्त प्रतियोगिता पुरुष तर्फ मिसन आङदेम्बे प्रथम भएका थिए भने प्रिठी राई द्वित्तीय र समिर आङदेम्बे तृतीय भएका थिए यसैगरी १० उत्कृष्टमा सचिन योङहाङ हुने सरोज सिह, फुल्किपा सेर्पा, मुक्सान लिम्बु, झनक बहादुर भुजेल, प्रमोद तामाङ र सबिन राई बनेका छन् ।

यस्तै भेट्रान तर्फ मंगल तामाङ् प्रथम, हेमन्त लावती र भिम प्रसाद निरौला क्रमशः दोस्रो र तेस्रो बनेका थिए भने महिला तर्फ दिपा बस्नेत प्रथम, मन्दिरा महतो र मदिका देवान क्रमशः दोस्रो र तेस्रो बनेका थिए ।

यस्तै १५ वर्ष मुनिका युवाले सिद्धार्थ चौक देखी समयगढ सम्मको ५ किलोमिटरको दुरी पार गर्दै पुरुष तर्फ अविरल गुरागाई प्रथम, विवेक दनुवार दोस्रो र डम्बर पौडेल तेस्रो बनेका थिए भने महिला तर्फ संगीता तामाङ प्रथम, रुसना राई दोस्रो र बसन्ती लिम्बु तेस्रो भएको कार्यक्रम संयोजक आशिष लेछर्वोले बताए ।

प्रतियोगितामा प्रथम हुनेलाई २० हजार, द्वितीयलाई १५ हजार र तृतीय हुनेलाई १० हजार रुपैयाँ नगद पुरस्कार, मेडल तथा प्रमाणपत्र प्रदान गरिएको सबै विधामा प्रदान गरिएको संयोजक तेछर्वोले बताए ।

कार्यक्रमका प्रमुख अतिथि सशस्त्र प्रहरी बल नेपाल पाथिभरा जवान तालिम शिक्षालयका सशस्त्र प्रहरी बरिष्ठ उपरिक्षक रमेशकुमार पाण्डे रहेका थिए भने विभिन्न व्यक्तिहरुको उपस्थिति रहेको थियो ।

नयाँ बर्षको अवसरमा आयोजना गरिएको उक्त म्याराथुन प्रतियोगिताले युवालाई खेलकुद प्रति आकर्षण गर्नुका साथै लागु औषधबाट टाडा राख्न र युवाहरुलाई कुलतबाट मुक्त गर्न खेलकुद मार्फत जनचेतना फैलाउन र सद्भाव कायम गर्न यस्तो कार्यक्रमहरु आयोजना भइरहनु पर्नेमा जोड दिएका छन् ।