काठमाडौं। चिकित्सा शिक्षा सुधारको माग राख्दै अनशन बसेका डा. गाविन्द केसी र सरकारबीच सहमति भएको छ। शिक्षा सचिब गोपिनाथ मैनालीको नेतृत्वमा गठन भएको सरकारी वार्ता टोली र डा. जीवन क्षेत्रीको नेतृत्वको डा. केसीका प्रतिनिधिबीचको वार्तामा शनिबार मध्य राति सहमति जुटेको हो।

डा. केसीका सहयोगी प्रितम सुबेदीले सहमति भएको जानकारी दिए। उनले भने, सहमति भएको छ,  आइतबार विहान अनशन तोडिन्छ। मध्य राति डा. केसी अनशन बसेको शिक्षण अस्पताल महाराजगञ्जमा सहमति जुटेको हो ।

डा. केसी र सरकारबीच ८ बुँदे सहमति भएको हो । शुक्रबारकाे वार्ता भाँडिएता पनि पुनः शनिबार बिहानैदेखि शिक्षामन्त्री र सरकारी वार्ता टोलीबीच भएको छलफलमा डा. केसीसँग फेरि वार्ता गर्ने समझदारी भएपछि शुक्रबार मध्य राति वार्ता भएको थियो । डा. केसीले हरेक प्रदेशमा सरकारी शिक्षण अस्पताल हुनुपर्ने, आईओएमको डिन नियुक्तिमा वरिष्ठताका आधारमा हुनुपर्ने लगायत ६ बुँदे माग राखेर जुम्लाबाट अनशन शुरु गरेका थिए । अनशन बसेको २८ औं दिनमा शनिबार मध्यराती सहमति जुटेको हो।