दमक। झापाको दमकमा रहेको राष्ट्रिय बहुमुखी सहकारी संस्थाले आफ्नो २१औं स्थापना दिवस तथा साधारणसभाको अवसर पारेर रक्तदान कार्यक्रम गरेको छ ।

संस्थाको आफ्नै कार्यालयमा बुधबार रक्तदान कार्यक्रम भएको हो । उक्त कार्यक्रममा ५२ पिन्ट रगत संकलन भएको संस्थाका संचालक समिति सदस्य दिपेन बाला राईले बताए ।

नेपाल रेडक्रस सोसाइटी दमकको प्राविधिक सहयोगमा रक्तदान कार्यक्रम भएको उक्त कार्यक्रममा संस्थाका शेयर सदस्यहरुबाट रक्तदान भएको हो । कार्यक्रम संचालन समितिका अध्यक्ष जीत मान राई, ब्यवस्थापक कृष्ण गोले लगायत समितिका पदाधिकारीहरु समेतको उपस्थितिमा कार्यक्रम सम्पन्न भएको छ ।