दमक, २६ असोज । हिन्दु धर्मावलम्बीहरुको दशैंको अवसर पारेर दमक २ भाङबारमा निर्मित फनपार्क सोमबारदेखि सञ्चालनमा आएको छ । दमक फनपार्क एण्ड एग्रो टुरिजम प्रालिले करिब १३ करोड रुपैयाँको लागतमा दमक फनपार्क सञ्चालनमा ल्याएका हुन् ।
यसको ग्राण्ड ओपनिङ भने केही समय पछि गरिने प्रालिले जनाएको छ । सो प्रालिले फनपार्कका बिषयमा जानकारी दिन आयोजना गरेको पत्रकार भेटघाटमा फनपार्कका प्रथम सञ्चालक विप्लव दंगालले दशैंमा दमकबासी र दमक आउने पाहुनालाई मनोरञ्जनपूर्ण नयाँ गन्तव्य दमकमै रहेको सन्देश दिन दशैंको अवसर पारेर फनपार्क खुल्ला गरिएको जानकारी दिए ।
आफनै पार्कको साढे ६ बिगाहा क्षेत्रफलमा सवारी पार्किङको व्यवस्थासहित शुरु भएको पार्कमा प्रमुख आकर्षकका रुपमा गोल्डेन टापु रहेको छ ।
उनका अनुसार अन्य फनपार्क भन्दा छुट्टै परिचय रहेको यस फनपार्कमा बोटिङ सहित टापुमा आकर्षक कलाकृतिहरुको सजावट छ । त्यस्तै बालबालिकाहरुलाई सुरक्षित किसिमको मनोरञ्जनस्थल छुट्टै निर्माण गरिएको छ । जहाँ तेन्जेङ नोर्गे शेर्पाले सगरमाथा आरोहण गरेको दृश्य निर्माण गरिएको छ । बन्यजन्तुहरुका कलाकृति पनि यहाँ देख्न सकिन्छ भने तिहारपछि स्विमिङ पूल समेत सञ्चालनमा ल्याइनेछ । पार्क भित्रै स्तरीय रेष्टुरेँन्ट पनि सञ्चालनमा ल्याइएको प्रालिका अध्यक्ष योगराज दंगालले बताए ।
होटल तथा पर्यटन व्यवसायका अनुभवी युवाहरु संलग्न भएर सञ्चालनमा ल्याइएको दमक फनपार्कलाई पूर्व क्षेत्रकै पर्यटकीय गन्तव्यका रुपमा स्थापित गराउने प्रयत्न गरिएको अध्यक्ष दंगालले बताए ।
सो फनपार्कमा दंगालद्धयसंगै दमकका सफल युवा व्यवसायीहरु दिपेन्द्र ढुंगेल, दिपक पौडेल, पुष्प खनाल, किशोर खनाल, कुमार खनाल लगायत ११ जनाको संयुक्त लगानी रहेको जनाइएको छ ।
जिल्लका मुख्य शहरी क्षेत्रहरुमा पछिल्ला समय व्यवसायिक रुपमा फनपार्क लगायतका मनोञ्जनस्थलका संरचनाहरु निर्माण हुने क्रम बढ्दै गएकोछ ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७