लिम्बुवानखबर, २६ असोज । मुगु बस दुर्घटनामा मृत्यु हुनेको संख्या ३२ पुगेको छ । २४ जनाको घटनास्थलमै र ८ जनाको उपचारका लागि अस्पताल लैजाँदै गर्दा बाटोमा मृत्यु भएको हो ।

घाइतेमध्ये ३ जनाको हेलिकोप्टरबाट र १२ जनाको हवाइजहाजबाट उद्दार गरी उपचारका लागि नेपालगञ्ज लगिंदै थियो । तीमध्ये ८ जनाको मृत्यु भएको बताइएको छ ।

घाइते एकजना बालिकाको भने जिल्ला अस्पताल मुगुमा उपचार भइरहेको छ ।

नेपालगञ्जबाट मुगु सदरमुकाम गमगढी जाँदै गरेको भे १ ख ३१६७ नम्बरको बस मंगलबार दिउँसो २ बजेतिर दुर्घटनामा परेको थियो । अप्ठ्यारो भिरालो बाटोका कारण दुर्घटना भएको प्रहरीको प्राम्भिक अनुसन्धानले देखाएको छ । यद्यपी के कारणले दुर्घटना भएको हो त्यसको पुष्टि हुन बाँकी रहेको प्रहरीले जनाएको छ ।

अहिले मृतकहरुको शव घटनास्थलबाट निकाल्ने काम भइरहेको जनाइएको छ । (अन्नपूर्ण पोष्टबाट)