दमक, २ कार्तिक । लामो समय नेपाल प्रहरीमा सेवा गरेका उनको नेपालमा २०५२ सालको जनयुद्धसँगै सपनाहरु तुहिएँ । पाँचथरको उकालीओरालीहरुमा दौडिदै मोरङको पथरीमा जिवन व्यतित गर्दागर्दा जनयुद्धले थिलथिल भएको मुलकमा डरसरीको जागीर चटकै छोडेर विदेश पलायन भएका एक पात्र हुन् – भोजकुमार लावती ।
पथरीलाई कर्मथलो बनाई बसेका लावतीले लामो समय प्रवासमा विताए । प्रवासिन अघि मुलुक संघीय लोकतान्त्रिक गणतन्त्र नेपाल हुँदै गर्दा कतै नेपालमा राजनीति परिवर्तन हुन्छकी भनी पहिचान सहितको संघीयता प्राप्तिको आन्दोलनमा पनि होमिए । संघीय लोकतान्त्रिक राष्ट्रिय मञ्चको प्रवास संगठन संघीय लिम्बुवान सामाजिक मञ्च, प्रवास समिति मलेसियामा समेत काम गरेका लिम्बुले मलेसिया प्रवासको बसाईलाई बिट मार्दै नेपालमा आएपछि थुम्कीमा रमाउन थालेका छन् ।
मोरङ् जिल्लाको केराबारी ५, थुम्कीमा हाल “लावती कृषि तथा पशु फर्म” संचालनमा ल्याएर जिवनलाई कृषि क्रान्तिमा मोडेका छन् । थुम्कीमा बाबुले जोडेका ३० रोपनी जग्गामा करिब १५ लाखको लागतमा बाख्रा फर्म संचालन गरेका छन् भने ८/९ लाखको विभिन्न बोट विरुवाहरु कागती, एबोगार्ड, लिच्ची, आँप, सुन्तला, अमला, रुद्राक्ष, रिट्टा, सिंखौली लगायत रहेका छन् ।
त्यसैगरी उनले आफ्नो कृषि फर्ममा विभिन्न जातजातिका साग सब्जी रोपेर मगग्ये आम्दानी समेत गरिरहेका छन् । बर्षमा ५/६ लाख रुपैंयाँ मनग्यै आम्दानी गरिहेका लावतीका अनुसार गरे नेपालमै सुन फलाउन सकिने रहेछ भन्छन् । प्रवासमा गएर पसिना बगाईयो तर आफ्नै गाउँघर, बनजंगलमा बगाएको पसिनाको बेग्लै महत्व, पहिचान र अस्तित्व हुनेरहेछ । अहिले यसै बाख्राहरुसँग बनजंगलमा रमाउँदै मज्जा भईरहेको कथा सुनाउँछन् ।
मोटरबाट देखि करिब २० मिनेटको उकालो छिचोलेपछि उनको फर्म पुग्न सकिन्छ । बाटोको अलि असुविधा भएपनि हावापानी अत्यन्तै बस्न लायक रहेको उनको फर्म पुग्दा कुनै स्वर्गको एउटा सुन्दर आँगनको बगैंचामा लुकामारी खेलेको आभाष हुनेछ । पथरीको बसाईसँग त्यति नरुचाउने लावती यतै रमाइलो लाग्न थालेको बताउँछन् । गर्मी धुलो धुवा गाडीको हल्ला भन्दा यतै चराचुरुङ्गीहरुको आवाजहरुमा रमाउँदाको पल नै आफूलाई स्वर्गको आनन्द जस्तो आभाष भएको बताउँछन् ।
सरकारले कृषि तथा पशुपालनमा अलि राम्रो सेवा सुविधा दिए नेपालमै बसेर पनि मनग्ये आम्दानी गर्न सकिन्छ भन्ने एउटा उदाहरणका पात्र हुन्– भोजकुमार लावती । लावतीले संचालनमा ल्याएका लावती कृषि तथा पशु फर्मले सफलता पाईरहोस् शुभकामना ।
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७