दमक,२१ असोज । पापोहाङ लाओती सयङ दमक नगर समितिको नयाँ नेतृत्व चयन भएको छ । स्थानीय सेवारो कम्प्लेक्समा शनिवार सम्पन्न सयङको तेस्रो अधिवेशनले प्रेम कुमार लाओतीको अध्यक्षतामा नयाँ कार्यसमिति चयन गरिएको हो ।

सर्वसम्मत निर्वाचित समितिको उपाध्यक्षमा बेनुका वनेम लाओती, सचिवमा राम लाओती, सहसचिवमा दिनेश लाओती र कोषाध्यक्षमा यामहाङ लाओती चुनिए । यसैगरि सदस्यहरुमा कल्पना लाओती चेम्जोङ, मिना लाओती योङहाङ, बिमला लाओती, सुजन लाओती, खगेन्द्र लाओती र अम्बर लाओती चयन भएका छन् ।

किराँत याक्थुङ चुम्लुङ दमक नगर अध्यक्ष देवेन्द्र चेम्जोङको प्रमुख आतिथ्यतामा भएको अधिबेशन उद्घाटनमा लिम्बू भाषा साहित्य प्रतिष्ठानका अध्यक्ष सेसेमी नाल्बो, पत्रकार बिष्णु सुब्बा लगायतले अधिबेशन सफलताको शुभकामना मन्तव्य राखेका थिए ।

उनीहरुले आआफनो पुर्खा र पुस्ताको पहिचान अपरिहार्य भएकाले लाओती बन्धुहरुको एकतामा जोड दिए ।
अधिबेशन पापोहाङ लाओती सयङ दमक नगर अधिवेशन संयाेजक गगन लाओतीको अध्यक्षतामा भएको थियो ।