दमक। कोरोना संक्रमणबाट झापा दमककी एक महिला पुर्व स्वास्थ्यकर्मीको मृत्यु भएको छ ।

दमक नगरपालिका वडा नं ८ घर भई १० दिन अघि देखि उपचारत विराट मेडिकल कलेज विराटनगरकाे भेन्टिलेटरमा राखिएकी ६५ वर्षिया स्टाफ नर्स लमु तामाङको मृत्यु भएको हो । उनले दमकको आम्दा अस्पतालमा लामो समय काम गरेकी थिईन् ।

उनको हिजो आइतवार बेलुका ८ बजे उपचारका क्रममा मृत्यु भएको दमक नगरपालिकाको स्वास्थ्य शाखाका कुवेर भट्टराईले बताए । योसँगै दमकमा कोरोना संक्रमणबाट मृत्यु हुनेको संख्या १९ पुगेको छ ।

छाेरा हाल बेलायतमा रहेकाे हुँदा मृतकलाइ केही दिन विपि प्रतिष्ठानकाे मचर्री घरमा राख्ने पारिवारिक स्राेतले जनाएकाे छ ।

हिजो आइतवार मात्र दमकमा एक महिलासहित तीन जना संक्रमितको पनि मृत्युभएको थियो । दमकमा हिजो ४६ जनामा संक्रमण थपिएसंगै संक्रमितको सँख्या पनि ४१९ पुगेको छ स्वास्थ शाखाले जनाएकाे छ ।