राष्ट्रिय स्टाकाइकरसहित दर्जन बढी फुटबलर जन्माएका मोरङको पथरीशनिश्चरे नगरपालिकामा फुटबल इतिहासमै नयाँ आयाम थपिने भएको छ ।
स्थानीय युवाहरुले नगरमा ‘पथरीशनिश्चरे फुटबल प्रिमियर लिग-२०७७’ गराएर फुटबल इतिहासमा नयाँ आयाम थप्न लागेका हुन् ।
लिग कम नकआउटको आधारमा हुने फुटबल प्रतियोगितामा नेपालको स्थानीय तहमै पहिलो भएको आयोजक युवाहरुको दाबी छ ।
नगरपालिकामा हुने पहिलो लिग च्याम्पियन प्रतियोगिता आगामी मंसिर अन्तिम सातादेखि हुने भएको छ । आज पथरीमा आयोजित पत्रकार सम्मेलनमा युवाहरुले भने, ‘आँट गरेका छौ, सबैको सहयोग चाहियो ।’
पथरीशनिश्चरे नगरमा यसरी फुटबल खेल क्षेत्रमा नयाँ आयाम थप्न संजिव गिरी, बिक्की राई (एम्पाएर), मनि सुब्बा, दीपक राई (ए डिभिजन स्टाइकर), दीपक पुलामी मगर (पूर्व चर्चित खेलाडी), भक्त राई, सुमन कुरुङ्बाङ्ग र नामहाङ्ग राई लागिपरेका हुन् ।
पथरीशनिश्चरे फुटबल प्रिमियर लिगले सर्बप्रथम खेलाडीको चाहाना बुझ्न १० वटै वडामा खेलाडी फारम वितरण ग¥यो । नगरभरि ३५० जना खेलाडीले आफू लिग खेल्न चाहेको लिखित चाहना व्यक्त गरे ।
खेलाडीको फारम वितरणसँगै फुटबल खेलाउन चाहने क्लब र लगानीकर्ताको पनि पहिचान गरिएको आयोजक पथरीशनिश्चरे फुटबल प्रिमियर लिगका संयोजक संजिव गिरीले बताए ।
फुटबल खेलाडी उत्पादन र पहिचान गर्ने मुख्य उदेश्य राखेर आयोजना हुन लागेको लिग सफल गराउन प्रतियोगितामा कतिवटा क्लब सहभागी हुन्छन् र लगानीबारे पनि सँगै अध्ययन गरेको आयोजक समितिका सचिव मनि सुब्बाले जानकारी दिए ।
पहिलो लिग च्याम्पिएल प्रतिष्प्रर्धा गर्न १३ वटा क्लबले फारम बुझायो । यद्यपि, आयोजककाे पहिलो लिग आठ टिम मात्र भिडाउने योजना बनेकाे छ । लिगमा सहभागी हुने क्लब सञ्चालकहरुको सहभागितामा खेलाडीहरुको प्रस्तुति हेर्न कात्तिक २२ गते ३५० जना खेलाडीको प्रदर्शनी खेल गरिएको थियो । क्लबको डाक बढाबढमा सबै खेलाडी राखिएको थियो ।
खेलाडीहरुको स्किल देखाउन भएको प्रदर्शनी खेलपछि प्रतियोगितामा प्रतिष्प्रर्धा होस् भन्ने उदेश्यले आयोजनकले नै क्लबहरुलाई एक-एक जना मार्की प्लेयर (स्टार खेलाडीहरु) दिएका छन् ।
यो सिजनमा खेल्ने खेलाडीहरुको ३ देखि ८ हजार मुल्य तोकिएको छ । खेलाडीको स्तर हेरेर आयोजक समितिले नै आठ हजार, सात हजार पाँच सय, सात हजार र तीन हजार मुल्य तोकिदिएको हो ।
प्रतियोगिता प्रतिष्प्रर्धा होस् भन्ने उदेश्यले हरेक क्लबले आठ, साढे सात र सात हजार मुल्यका दुई दुई जना खेलाडीहरु दामासायीमा लिनुपर्ने छ । तीन हजारदेखि आठ हजारका खेलाडीहरु डाक बढाबढमा छान्ने काम पनि कात्तिक २७ गते सकिएको छ ।
डाक बढाबढमा एउटै खेलाडी पर्दा गोला प्रथाबाट क्लबलाई खेलाडी वितरण गरिएको आयोजक समिति सदस्य भक्त राईले बताए ।
आठ वटा क्लवहरुले १८ जनाको दरले खेलाडी लिइसकेका छन् । जसमध्ये यो सिजनामा १४४ खेलाडीले खेल्ने अवसर पाएका छन् ।
खेलाडी प्राप्त गरिसकेका क्लबहरुले लिग जित्न आफ्नै ढंगले खेलाडीको स्किल डेभलप गर्न तालिम दिनेछन् । स्किल डेभलपको तालिम र खेलाडीहरुले लिगमा आफ्नो प्रस्तुति देखाउने पाउने भएकोले फुटबल खेलाडीहरुको बिकास हुने आयोजककाे विश्वास छ ।
आठ वटा टिमलाई दुई वटा पोलमा विभाजन गरेर लिग गराइनेछ । आ-आफ्नो पोलमा हरेक क्लबले तीन-तीन वटा क्लबसँग प्रतिस्पर्धा गर्नुपर्ने छ ।
लिगको हरेक खेल जित्ने क्लबले ३ र बराबरी हुँदा १ अंक प्राप्त गर्नेछन् । लिग चरणमा बढी अंक ल्याउने दुबै पोलको दुई-दुई गरी चार टिमलाई नकआउट खेलाएर च्याम्पिएन छानिने फुटबलर समेत रहेका आयोजक समिति सदस्य दीपक राईले बताए । लिग च्याम्पियन क्लबले १ लाख ७५ हजार, दोस्रो हुनेले ७५ हजार, ट्रफी र प्रमाण पत्रहरु प्राप्त गर्नेछन् ।
पथरीशनिश्चरे नगरमा हुने पहिलो लिगमा हाइवे युथ क्लब, वाइजीएफटी, दि रियल ब्रोदर, हेरिका न्यु स्टार, १० नबोदय, सिरिजंङ्गा, देविगञ्ज र शिखर फुटबल क्लबहरु च्याम्पियनको लागि भिड्नेछन् ।
यी क्लबहरुको खेलाडी खरिद, खाजा पानी, जर्सी, बुट लगायतमा कम्तिमा २ लाख खर्च हुने हेरिका न्यु स्टार क्लवका रोहित बास्तोलाले बताए । क्लबमा लगानी गर्नेहरु स्थानीय व्यवसायी र फुटबल खेलप्रति चासो राख्ने व्यक्तिहरु रहेका छन् ।
संघीय गणतन्त्र स्थापनापछि पथरीशनिश्चरे नगरपालिका पूर्वी मोरङको पथरी, शनिश्चरे र हसन्दह गाविस मिलेर बनेको नगरपालिका हो । नगरको सदरमुकाम साविक पथरी गाविसकाे पथरी बजार रहेको छ ।
यो क्षेत्रको फुटबल इतिहास हेर्दा ३५ बर्ष भन्दा लामो देखिन्छ । पथरीमा सन् १९८५∗ मा तत्कालीन केदार एङ्देन लिम्बूको नाम खगाडि आउँछ ।
लिम्बूको नेतृत्वमा पथरी फुटबल च्याम्पियन कप फुटबल प्रतियोगिता गराएर पथरीले जितेको ट्रफी सुरक्षित रहेको पथरीशनिश्चरे खेलकुद परिषदको अध्यक्षसमेत रहेका मनि लिम्बूले बताए । केदार लिम्बू वर्तमान वडा नम्बर १ का अध्यक्ष बाबुराम एङ्देनको बुबा हुन् ।
त्यसपछि पथरीमा धेरै प्रतियोगिताहरु हुने नै भए । केदार एङ्देन लिम्बूपछि पथरीमा भीम सुब्बा र दीपक पुलामी मगर स्टार खेलाडीको रुपमा उदाए ।
यी दुई खेलाडीले नेपालको धेरै प्रतियोगिताहरुदेखि विभिन्न देशमा समेत खेल्न भ्याए । पूर्वी नेपालमा भीम सुब्बा र दीपक पुलामीको खेल हेर्न दर्शक आकर्षित हुन्थे ।
फुटबल खेल क्षेत्रकै विकासको लागि विस २०७० र २०७१ मा पथरीका युवा समाजसेवी धनकुमार तामाङको नेतृत्वमा ‘पथरी गोल्ड कप’ पहिलो र दोस्रो सफल भयो । यो प्रतियोगिताले पथरीमा खेलाडीको विकास मात्र गरेन पथरीलाई देशव्यापी रुपमा चिनाउने काम समेत ग¥यो ।
पथरीका दीपक राई हाल ए डिभिजन क्लब मछिन्द्र क्लबका स्टाइकर हुन् । उनै दीपक राईले मछिन्द्रलाई गत सिजनको राष्ट्रिय लिग जिताएका हुन् । राई राष्ट्रिय टिमको प्रतिनिधित्व गर्दै नेपालको विभिन्न क्लबमा आबद्ध भएर खेल्दै आएका स्टार खेलाडी हुन् ।
पथरीबाट उत्पादन भएका मिन धिमाल, साइमन लिम्बू नेपालकै चर्चित फुटबलर हुन् । ए डिभिजनमा आबद्ध यी खेलाडीहरु व्यवसायिक रुपमै खेल्दै आएका छन् ।
त्यसैगरी मनोज दाहाल अन्डर १६ को राष्ट्रिय टिमका गोल रक्षक हुन् । ‘बी’ भिडिजनमा सुबास तामाङ, सन्तोष न्यौपाने, लालबहादुर लिम्बू, युकेश तामाङ, मन्दिप धिमाल खेल्दै आएका छन् ।
‘सी’ डिभिजनमा निलम लिम्बू, बिशाल पाण्डे, मञ्जिल खड्का, मनोज गुरुङ खेल्दै आएका छन् भने असिम राई अन्डर १६ को राष्ट्रिय टिमबाट खेलेका खेलाडी हुन् ।
पथरीमा हुन लागेको पहिलो लिग खेलमा अधिकांश खेलाडीहरु आठवटा टिममा बाडिएर मैदानमा उत्रिनेछन् । प्रतियोगिता सफल गर्न करिव १२ लाख खर्च हुने आयोजक समितिको सदस्य दीपक राईले बताए ।
फुटबल खेल विश्वमा अधिकांशले चिनेको र मन पराएकाेमध्ये एक हो । फुटबलप्रति चासो राख्नेहरुप्रति विश्व कप होस् वा दक्षिण एसियन (विश्वको क्षेत्रीय गेमहरु) र राष्ट्रिय लिग तथा स्थानीय स्तरमा हुने गोल्ड कपहरु हुँदा चाडपर्वझैं रमाउने दर्शकको कमी छैन ।
आफ्नै नगरका खेलाडीहरुको विकास र फुटबल खेलको विकास गर्ने उदेश्यले आयोजना हुने लिग हेर्न पाउँदा कसलाई रमाइलो नहोला र !
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७