दमक। आज तिहारको मुख्य दिन दाजुभाई दिदीबहिनीले एकअर्कालाई टीका लगाई भाइटीका मनाइँदै छ । यस दिन दाजुभाइ–दिदीबहिनीहरुले एकअर्कालाई टीका लगाइदिएर कामना गर्दछन् ।

टीका लगाइसकेपछि दिदीबहिनीले दाजुभाइलाई ओखर, कटुस, मरमसला एवं सेलरोटी लगायत उपहार लगायत दिन्छन् । दाजुभाइले पनि दिदीबहिनीलाई गच्छेअनुसार सौभाग्यका प्रतीक दक्षिणा दिई सम्मान प्रकट गर्ने परम्परा छ ।

भाइटीकाको उत्तम साइत बिहान ११ बजेर ३७ मिनेटमा रहेको नेपाल पंचाङ्कले निर्णय गरेको छ ।

साथै मंसिर १ गते भाइटीकाकै दिन यस वर्ष नेपाल संवतको नयाँ वर्ष ११४१ पनि शुरु भएको जनाइएको छ ।

नेपाल सम्वत् विशेष गरेर काठमाडौं उपत्काका नेवार समुदायले विशेष रुपमा मनाउँदै आएका छन् । तर यो बर्ष विगतको जस्तो हर्सोल्लाष पूर्णरुपमा मनाउन उत्सुक छैनन् । साथै कोरोनाका उच्च जोखिममा काठमाडौं उपत्यका रहेको हुँदा सरकारले पनि चाडवार्डलाई मनाउन कडाई गरेको छ ।