चाडपर्वको सार्वजनिक विदा कटौतीप्रति ध्यानाकर्षण

 लिम्बुवान न्युज
                       

काठमाडौं । संविधान जारी भएको ५ वर्ष बित्दा पनि ‘आदिवासी जनजाति आयोग’ गठनप्रतिको आलटाल र विगतमा आदिवासी जनजातिले पाइआएको ‘चाडपर्वको सार्वजनिक विदा’ कटौतीप्रति ध्यानाकर्षण गराउन नेपाल आदिवासी जनजाति महासंघका पूर्व प्रमुखहरूले विरोध गरेका छन् ।

सङ्घीय लोकतान्त्तिक गणतन्त्र नेपाल २०६२/०६३ को जनआन्दोलनका महान उपलब्धि मानिएको र आदिवासी जनजाति आन्दोलन, मधेस विद्रोह, दशवर्षे माओवादी जनयुद्धलगायत सात दशक लामो लोकतान्त्रिक आन्दोलनको एकीकृत अभिव्यक्ति रहेकोमा २०७२ सालमा संविधान जारी गर्दा अन्तरिम सरकारले आदिवासी जनजाति र मधेसी जनताको प्रतिनिधि संस्थाहरूसँग गरेको सहमति सम्झौताको पालना नभएको पूर्व प्रमुखहरूको आरोप छ ।

मुलुकमा शासन गरिरहेको झण्डै दुई तिहाईको सरकारले संविधानको प्रगतिशील कार्यान्वय गर्ने र अपूर्ण संविधानलाई परिमार्जन र संशोधनमार्फत पूर्णता दिनेतर्फ अगािड बढेको र देशको औपचारिक नाम सङ्घीय लोकतान्त्रिक गणतन्त्र नेपाल नराख्ने भन्ने मन्त्रिपरिषदले गरेको निर्णय, पहिचानरहित प्रदेशहरूको नामाकरण, प्रदेश सरकारलाई संविधानतः प्राप्त अधिकारहरूमाथिको हस्तक्षेपप्रति पनि ध्यानाकर्षण भएको छ ।

विरोधपत्रमा कोविड–१९ द्वारा प्रताडित जनताको स्वास्थ्यप्रतिको वेवास्ता, जातभाईलाई मात्र दिइने कुटनीतिक तथा राजनीतिक नियुक्ति, राज्यकोषको दुरुपयोग गरी हिन्दू धर्म र हिन्दू चाडपर्वलाई मात्र प्रोत्साहित गर्ने प्रवृतिलाई जोडदार विरोध गरेको छ ।

हस्ताक्षर गर्नेहरूमा नेपाली आदिवासी जनजाति महासंघका संस्थापक महासचिव सुरेश आले मगर, पूर्व महासचिव परशुराम तामाङ, बालकृष्ण मावुहाङ, डा. ओम गुरुङ, पूर्वअध्यक्षहरू पासाङ शेर्पा, राजकुमार लेखी र नगेन्द्र कुमाल छन् ।

सम्बन्धित समाचार

दमकमा चासाेक तङ्नाम भव्य रूपले सम्पन्न

दमक, २२ मंसिर/ किरात याक्थुङ लिम्बूहरुको महान चाड चासोत् तङ्नाम ५०८४ को अवसरमा विभिन्न कार्यक्रम सहित आज सम्पन्न भएको छ । विहिवार झापाको दमक ७ स्थित किरात भवनमा किरात याक्थुङ् चुम्लुङ् दमक नगर समितिको आयोजनामा चासोत...

किरातीहरुले उधौली पर्व मनाउँदै

दमक, २२ मंसिर । किरात जातीहरुले आज देखि उधौली पर्व मनाउँन शुरु गर्दैछन् । राई, लिम्बु, याक्खा र सुनुवार चार जातिहरुले यो पर्वलाई विशेष पर्वको रुपमा मनाउने गर्दछन् । नेपाल सरकारले आजको दिन राष्ट्रिय चार्डको...

आयोगले गरयो प्रतिनिधिसभा र प्रदेशसभा समानुपातिक तर्फ दलहरुले पाएको सिट निर्धारण

काठमाडौं, २१ मंसिर । निर्वाचन आयोगले प्रतिनिधि सभा र प्रदेश सभाको समानुपातिकतर्फ दलहरुले पाएको सिट निर्धारण गरेको छ । निर्वाचन आयोगका अनुसार प्रतिनिधि सभामा एमालेले सबभन्दा धेरै ३४ सिट पाएको छ । कांग्रेसले ३२, माओवादी...

कतार विश्वकप २०२२ को क्वाटरफाइनलमा पुगे यि ८ टोली

काठमाडौं, २१ मंसिर । एसियाली राष्ट्र कतारमा जारी २२औं संस्करणको फिफा विश्वकप फुटबल प्रतियोगिता २०२२ को क्वार्टरफाइनलमा पुग्ने ८ टोलीको टुंगो लागेको छ । गएराति पोर्चुगल र स्विट्जरल्याण्डको खेल सकिएसँगै अन्तिम ८ मा पुग्ने टोलीको...