किरात जातीहरुको आस्थाको धरोहर बिसौ शताब्दीका महान समाज सुधारक तथा किरात धर्म दर्शनदाता १६औं राष्ट्रिय विभूति महागुरु फाल्गुनन्द लिङ्देनको १३८औं जन्मजयन्ती आज संसारभर मनाइदैछ ।

महागुरु फाल्गुनन्दको कात्तिक २५ गते जन्मजयन्तीको अवसरमा आज विभिन्न धार्मिक स्थलहरुमा किरात धार्मिक परम्पराले कार्यक्रमहरु हुँदैछ । इलामका किरात माङ्हिमहरु, त्यसैगरी पान्थर, ताप्लीजोङ, तेह्रथुम, धनकुटा, सुनसरी, मोरङ्, उदयपुर, भोजपुर, झापा, संखुवासभा लगायतका विभिन्न जिल्लाहरुमा किरात जातीहरुको बाहुल्यता रहेको स्थानहरुमा धुमधामले मनाइन्दैछ । यसैगरी काठमाडौं उपत्यका, पोखरा त्यसैगरी विश्वको विभिन्न देशहरुमा बसोबास गर्ने किरात जातीहरुले आज महागुरुको स्मरण गर्नेछन् ।

प्रदेश नं. १ सरकारले आज सार्वजनिक विदा दिएको छ । आज विहान महागुरुको तस्वीरमा माल्यार्पण गरी दियोकलस वात्ती बाली पुजा गर्ने र साँझमा घरघरमा दियो बाली महागुरुले किरात जातीहरुको निम्ति समाजसुधारक भई अहिंसावादी कर्मलाई सम्मान गर्दै आज किरातीहरु धार्मिक, सांस्कृतिक रुपमा सवल बन्दै गएको हुँदा महागरुको स्तुती गर्दै आइएको किरात धर्मावलम्बीहरुको विश्वास रहेको छ ।

यसैगरी भारत, भूटान, हङकङ, बेलायत, मलेसिया, कतार, दुबइ, साउदी, ब्रुनाई, कोरिया, जापान, संयुक्त राज्य अमेरिका, अष्ट्रेलिया, क्यानडा, साइप्रस लगायत विश्वका विभिन्न मुलुकहरुमा रहेका किरात जातीहरुले महागुरु फाल्गुनन्द जन्मजयन्ती मनाउने आइरहेका छन् ।