दमक, १२ मंसिर । पूर्वकै चर्चित छायांकार, कारियोग्राफर तथा निर्देशक भुपेन्द्र तुम्बाहाङफेले द भ्वाईस अफ किडस् नेपालका फिनालिष्ट रुक्साना लिम्बूको आवाजमा सजिएको पुर्वेली लोक गीत ‘भुइसोरी ढोगे है’ किड भर्जन गीत सार्वजनिक गरिएको छ ।

दिनेश माङमुको कोरियोग्राफीमा सञ्चारकर्मी तथा मोडल सिर्जना निङ्लेकु लिम्बूको छोरी रासि लिम्बू र गायिका रुक्साना लिम्बूको समेत अभियन रहेको पुर्वेली लोक भाकामा सजिएको गीत ‘भुइसोरी ढोगे है’ को किड भर्जन भिडियो मोडल सिर्जना निङलेकुको अफिसियल युट्यूव च्यानलबाट सार्वजनिक गरिएको हो ।

गीतकार संजिब पारदर्शी राईको शव्द तथा संगीतकार डी आर अटुको संगीतमा लोकप्रिय गायिका सुनिता थेगिम लिम्बूको आवाजमा मोडल सिर्जना निङ्लेकुको अभिनयलाई यस अघिनै दर्शक स्रोताले औधी मन पराएको उक्त गीतको किड भर्जन हो ।

लिम्बुनी र राईनी बाल मित्रतालाई प्रस्तुत गरिएको भिडियोमा लिम्बू र राईको कला संस्कृतिलाई समेत उजागर गर्न खोजिएको निर्देशक तुम्बाहाम्फेले बताए । बाल गायिका रुक्साना लिम्बु र रासि लिम्बु द्वयको यो प्रस्तुति दर्शक स्रोतले औधि मन पराउनु उनले बताए ।

थैली इन्टरटेन्मेन्टको पोष्ट प्रडक्शनमा कल्पना लिम्बू र आयुसा श्रेष्ठको सृङगार रहेको भिडियोमा अनिल रानाको सम्पादन रहेको छ । राजु कार्कीको संगीत संयोजनमा स्टुडियो लिम्दुमी कृएशनमा रेकर्ड गरिएको गीतको मिक्सिङ तथा मास्टरिङ राजु कार्कीले गरेका हुन् ।

भिडियो हेर्नुहोस