जसपाको ७७ वटै जिल्लामा सरकार विरुद्ध बिरोध प्रदर्शन

 लिम्बुवान न्युज
                       

झापा। देशकै तेस्रो ठूलो राजनीति शक्ति जनता समाजवादी पार्टी (जसपा)ले ७७ वटै जिल्लामा आज विरोध प्रदर्शन गरेको छ । प्रधानमन्त्री केपी शर्मा ओलीले प्रतिनिधिसभा संसद विघटन गरेको विरोधमो प्रदर्शनसहित कोणसभा गरेको हो ।

प्रधानमन्त्रीले संसद विघटन गर्नु असंवैधानिक, अमर्यादित र अलोकतान्त्रिक भएको जसपाको ठहर रहेको छ । जसपाको मंगलबार बसेको केन्द्रीय कार्यकारिणी बैठकले संसद पुनःस्थापनाको समेत माग गरेको छ ।

जसपाले यसैगरी आगामी पुस १२ गतेसम्म विभिन्न चरणबद्ध कार्यक्रम गरी प्रधानमन्त्री ओलीको कदमविरूद्ध आन्दोलन जारी राख्ने बताएको छ ।

यसैबीच आज झापाको विर्तामोड मुक्तिचोक, भोजपुर,नेता राजेन्द्र श्रेष्ठको नेतृत्वमा काठमाडौं, जसपा संघीय परिषद अध्यक्ष बाबुरा भट्टराईको गृह जिल्ला गोरखा लगायत विभिन्न जिल्लाहरुमा पनि प्रदर्शन भएको वताइएको छ ।

जसपाले पहिचानवादी दलहरुसँग मोर्चावन्दी र एकताको समेत आव्हान गर्दै आइरहेको छ भने ठूला दल नेपाली कांग्रेस र प्रचण्ड–माधव समूहको नेकपासँग पनि सहकार्य गर्दै प्रधानमन्त्रीको कदम विरुद्ध संघर्षको कार्यक्रमहरु पनि गर्ने जनाएको छ ।

सम्बन्धित समाचार

दमकमा एक बालक मृत फेला

दमक, ३१ असार । झापा दमक नगरपालिका वडा नं. ९ का एक बालक मृत फेला परेका छन् । पौडी खेल्न गएका ११ बर्षीया स्थानीय रमन धिमाल मृत फेला परेका हु्न् । सुमन धिमाल र शुष्मा...

सागर केरूङ निर्देशित लिम्बु भाषाकाे चलचित्र ‘चे’ले विशेष चलचित्र पुरस्कार-०८१ जित्न सफल

ललितपुर, ३१ असार ।  लिम्बु भाषाकाे चलचित्र  ‘चे’ले विशेष चलचित्र पुरस्कार ०८१ जित्न सफल भएको छ । पान्थरका लेखक, साहित्यकार, कलाकार तथा निर्देशक समेत रहेका सागर केरुङको लेखन, निर्देशन रहेको लिम्बू भाषाको चलचित्रले उक्त पुरस्कार...

मुक्कुमलुङ परिसरमा वृक्षारोपण – एक सत्याग्रह

पूर्वी नेपालको ताप्लेजुङ जिल्ला स्थित मुक्कुमलुङ क्षेत्र, जसलाई किरात मुन्धुमी परम्परामा अत्यन्त पवित्र स्थल मानिन्छ, अहिले केवलकार निर्माणको नाममा बन फडानीको चपेटामा परेको छ। यही विरुद्धमा, असार १ गते, हजारौँ नागरिकले सामूहिक वृक्षारोपण कार्यक्रमको आयोजना...

दमकको मदनडाँगी–ताराबारी–डिपु सडकको उद्घाटन

दमक, २९ असार । प्रधानमन्त्री केपी शर्मा ओलीले झापाको दमकस्थित मदनडाँगी–ताराबारी–डिपु सडक स्तरोन्नति आयोजनाको उद्घाटन गरेका छन् । आइतबार (आज) एक कार्यक्रमका बीच प्रम ओलीले विश्व बैंकको सहयोग एंव नेपाल शहरी शासकीय तथा पूर्वाधार आयोजनाको...