लेटाङ् जाँतेमा लिम्बुवानको अन्तरक्रिया सम्पन्न, शिवसताक्षीमा टाेल समिति गठन

 लिम्बुवान न्युज
                       

मोरङ्। मोरङको लेटाङ् ९ को जाँतेमा संघीय लिम्बुवान मञ्च, नेपालको अन्तरक्रिया कार्यक्रम भएको छ । मञ्चका केन्द्रीय उपाध्यक्ष विशेन्द्र चेम्जोङ्को प्रमुख आतिथ्यतामा कार्यक्रम सम्पन्न भएको हो ।

कार्यक्रममा प्रमुख अतिथि विशेन्द्र चेम्जोङ्ले देशमा राजनीतिक संकट उत्पन्न भएको हुँदा यतिबेला साना पहिचानवादी दलहरुमाथि आक्रमण हुने बताएका छन् । उनले भने– पहिचान, संघीयता र लोकतान्त्रिक गणतन्त्रलाई तुहाउन विरोधी तत्वहरु सलबलाउन थालेका छन् । आम लिम्बुवान कार्यकर्ता सचेत रहनुहोला । यतिबेला नेकपा दुईटुक्रा भएको हुँदा कुनै पनि पक्षले लिम्बुवानलाई आक्रमण गर्न सक्छन्, त्यसैगरी देशकै पुरानो पार्टी नेपाली कांग्रेस जस्तो न पहिचान पक्षधर हुन न त संघीयता पक्षधर नै हुन् । त्यस्तो पार्टीहरुले संघीतालाई संस्थागत गर्नु त कता हो कता कम्तिमा बनिसकेको संरचना नै ध्वस्त पार्ने भएको हुँदा ति ठूला भनाउँदा दलहरुको झोला बोकेर राजनीति परिवर्तन हुँदैन– उपाध्यक्ष चेम्जोङ्ले बताउनु भयो ।

कार्यक्रममा मञ्चका उपमहासचिव तथा संचार प्रमुख दिल कुमार लावती, मोरङ जिल्ला बरिष्ठ उपाध्यक्ष जीवन खेवा, उपाध्यक्ष भानु लिम्बु लगायत जिल्ला नेताहरु र लिम्बुवान भोलेन्टियर्स कमाण्डरहरुको समेत उपस्थिति रहेको थियो ।

त्यसैगरी संघीय लिम्बुवान मञ्च, नेपाल शिवसताक्षी १ को बिहानी टोलमा लक्ष्मण चबेगु लिम्बुको अध्यक्षतामा १९ सदस्यीय समिति गठन भएको छ । मञ्चका केन्द्रीय उपाध्यक्ष ज्ञानुहाङ् इम्बुङकाे प्रमुख आतिथ्यतामा उक्त कार्यक्रम सम्पन्न भएको छ । झापामा मञ्चले तिव्र गतिमा संगठन निर्माण र प्रशिक्षणकाे तयारी गरिरहेकाे स्राेतबाट सूचना प्राप्त भएकाे छ ।

कार्यक्रम आज साँझ भएको लिम्बुवान भोलेन्टियर्स सिनियर उपकमाण्डर सुमन सम्बाहाम्फे बताए ।

सम्बन्धित समाचार

कोशी प्रदेश नामाङकनको विरोधमा संघर्ष समितिद्वारा स्थानीय तहमा तालाबन्दी

दमक, १४ चैत । कोशी प्रदेश नामाङकन खारेजीको माग राख्दै आन्दोलनरत प्रदेश नं. १ पुनः नामाङकन संयुक्त संघर्ष समितिले स्थानीय तहहरुमा आजबाट तालाबन्दी शुरु गरेका छन् । प्रदेश १ को नाम पहिचानसहितको पुनः गरिनुपर्ने मुख्य...

लाजेहाङलाई राष्ट्रिय शहीद घोषणा गर्न माग

काठमाडौं, १४ चैत्र । जनता समाजवादी पार्टी (जसपा), नेपालले कोशी प्रदेश नामकरणको विरोधमा भएको आन्दोलनका क्रममा ज्यान गुमाएका पदम लिम्बु (लाजेहाङ्)लाई शहीद घोषणा गर्न माग गरेको छ । जसपाका प्रवक्ता मनिष सुमनले मंगलबार एक विज्ञप्ति...

विराटनगरमा पहिचानवादीहरुको आन्दोलन, हवाई फायर र अश्रुग्याँस प्रहार, २९ भन्दा धेरै घाइते

विराटनगर, १४ चैत्र । मोरङको विराटनगरस्थित होटेल बिगमा कोसी प्रदेशसभाका सांसद सहभागी हुने एक कार्यक्रममा अवरोध गर्न पहिचानवादी नेता–कार्यकर्ताले गरेको प्रदर्शनको क्रम प्रहरी र प्रदर्शनकारी विच झडप हुँदा २९ जना घाइते भएका छन् । दिगो...

लाजेहाङ घटना तुहाउने षडयन्त्रमा बनेको छानविन समिति मान्दैनौं –संघर्ष समिति

दमक, १३ चैत्र । किरात याक्थुङ चुम्लुङका अध्यक्ष प्रेम येक्तेनले पूर्वघोषित आन्दोलनका कार्यक्रमहरू निरन्तर रहेको बताएका छन् । प्रदेश नं १ पुनः नामाङकन संयुक्त संघर्ष समितिलाई संघीय सरकारसँग वार्ता गर्ने बारेमा कुनै जानकारी नभएको भन्दै...