दमक, ३ पुष । किरात याक्थुङ् चुम्लुङ् दमक नगर समितिले चासोक तङनाम भव्य रुपले मनाउने भएको छ । दमकस्थित किरात भवनमा आइतबार किरात सांस्कृतिक परम्परा अनुसार चार्ड मनाउन लागेको हो ।

चुम्लुङका नगर अध्यक्ष देवेन्द्र चेम्जोङले हरके बर्ष तङनामको रुपमा मनाउँदै आइरहेको चासोक यो बर्ष पनि सदाझै मनाउन लागेको बताए । दमक नगरमा बसोबास गर्नुहुने तमाम किरात जातीहरुलाई कार्यक्रममा सरिक भई प्रसाद ग्रहण गर्न पनि आग्रह गरेका छन् ।

कार्यक्रममा मौलिक संस्कृतिक, किरात धार्मिक परम्परा, यालाङ, केलाङ्, हाक्फारे ख्याली, पःलुङ् लगायतका विविध सांगीतिक कार्यक्रमहरु समेत गरिने उनले बताए ।