दमक लिख संवाददाता । भुटानबाट नेपाल घुम्न आएकी युवती र पर्यटकहरुलाई घोडा सवार गरेर आय आर्जन गर्ने नेपाली युवकको प्रेम कथा प्रस्तुत गरिएको ‘याद’ म्यूजिक भिडियो सार्वजनिक गरिएको छ ।
आइतबार झापाको दमकस्थित गोर्खा डिपार्टमेन्टको हलमा हङकङ निवासी समाजसेवी तथा युवा उध्यमी त्रिभूवन लुम्फुङवाको प्रमुख आतिथ्यमा एक कार्यक्रमबिच ‘याद’ म्यूजिक भिडियोको पोस्टर अंकित केक् काटेर भिडियो प्रदर्शन गरेर ‘याद’ म्यूजिक भिडियो सार्वजनिक गरिएको हो ।
भुपेन्द्र तुम्बाहाङफेको निर्देशन तथा छायांकनमा गायक जीवन साम्पाङ राईको शव्द, संगीत तथा आवाजमा मिस भुटान सविना सुव्वा र जीवन साम्पाङ राईको अभिनय रहेको भिडियो उत्कृष्ट बनेको प्रमुख अतिथि त्रिभूवन लुम्फुङवाले प्रतिक्रिया दिएका थिए ।
भिडियोमा भुटानबाट घुम्न आएकी सुन्दर युवती इलामको कन्याममा घुम्दा घुम्दै घोडा सवार गर्ने नेपाली युवकसँग एक अर्काको संस्कृति झल्किने भेषभूषा मायाको चिनो स्वरुप नजानिदो पाराले साटासाट गर्दै प्रेमको मुना पलाएको प्रेमिल दृश्य र अन्त्यमा घुम्न आएकी युवती फर्किने बेला युवकसँग नभेटी फर्केकी युवतीको यादमा बाँचिरहेको युवकको कथाले मनै चसक्क पार्ने प्रेमिल अनि कारुनिक दृश्य प्रस्तुत गरिएको भिडियो उत्कृष्ट बनेको छ ।
भिडियो हेरिसकेपछि दर्शकले समेत औधि मनपराएको र दर्शकको सकरात्मक प्रतिक्रियाले थप उर्जा मिलेको निर्देशक भुपेन्द्र तुम्बाहाङफेले बताए ।
थैली इन्टरटेन्मेन्टको प्रतुतिमा थैली इन्टरटेन्मेन्ट युट्यूव च्यानलबाट समेत एकसाथ सार्वजनिक गरिएको ‘याद’ म्यूजिक भिडियो सार्वजनिक कार्यक्रममा समाजसेवी तथा डक्टर बालचन्द्र आङदेम्बे, किरात राई बिद्यार्थी संघका केन्दीय अध्यक्ष रामचन्द्र राई, बद्री साम्पाङ, सुरभी कलाकेन्द्रका प्रशिक्षक अनिल फागो, माङसेबुङ गाउँ कार्यपालिका सदस्य सुसन राई, फोनिज झापा अध्यक्ष भूमिका फियाक, कलाकार अनिस लावती, मिलन लावती, माङसेबुङ ५ का भाषिक वडा सचिव सुनिल सेर्मालगायतको उपस्थिति रहेको थियो ।
जितेन साम्पाङको आर्ट एण्ड प्रडक्शनमा अनिल रानाको सम्पादन र रेनिश फागोको कलर रहेको भिडियोमा सोम मगरातीको मेकअप तथा किरण न्योपानेको सहायक छायांकन रहेको छ ।
रिकेश गुरुङको संगीत संयोजन तथा मिक्सिङ मास्टरिङ रहेको गीतलाई आर्टमाण्डु स्टुडियोमा सुजन भटराईले रकर्ड गरेका हुन् ।
निर्देशन भुपेन्द्र तुम्बाहाङफेको अध्यक्षतामा गायकको आमा र मामाहरु र आफन्तजन समेतको उपस्थितिमा उम्दा गायीका आश्वीन मगर द भ्वाइस अफ किड्स नेपालकी नुमा राई, सिङिगा स्टार नेपालका फाईनलिष्ट गायक सिदान्त खड्का र द भ्वाईस अफ नेपाल सिजन २ का फाईनलिष्ट बिकास लिम्बूको बेजोड् साँगितिक प्रस्तुति रहेको कार्यक्रमको सञ्चालन साङसेन पन्धाकले गरेका थिए ।
भिडियो हेर्नुहोस…
ललितपुर, २१ पुष । ताप्लेजुङस्थित पवित्र धार्मिक तथा पर्यटकीय स्थल मुक्कुमलुङ संरक्षणका लागि पुनः आन्दोलन घोषणा गरिएको छ । विगत ६ बर्षदेखि आन्दोलनरत संघ संगठनहरुले पुनः संरक्षणको लागि आन्दोलन घोषणा गरेका हुन् । लामो समयदेखि...
झापाको दमकमा सम्पन्न मैत्रीपूर्ण फुटसल प्रतियोगिता २०८२ को उपाधि रोटरी क्लब अफ दमकले जितेको छ । पत्रकार मञ्च दमकको आयोजनामा पुष २१ गते आयोजित एक दिने प्रतियोगिताको फाइनल खेलमा कदम थिएटर दमकलाई ७–१ गोल अन्तरले हराउदै रोटरी च्याम्पियन बनेको हो । विजेता टिमले सेमिफाइनल खेलमा दमक नगर कर्मचारीलाई हराएको थियो भने कदमले आयोजक पत्रकार मञ्च दमक (निलो) लाई हराउदै फाइनल प्रवेश गरेको थियो । यसैगरी व्यक्तिगत विधातर्फ उत्कृष्ट गोलकिपर रोटरीका विसु राई चुनिदा, उत्कृष्ट खेलाडीको उपाधि कदमका दिपेश मगरले हात पारे । त्यस्तै प्रतियोगिता भरी ५ गोल गरेका रोटरीका सावन अधिकारीले हाइ स्कोररको पुरस्कार प्राप्त गरे । प्रतियोगिताको विजेताले नगद १५ हजार रुपैयाँ सहित ट्रफि मेडल र प्रमाणपत्र प्राप्त गरे भने उपविजेताले नगद १० हजार रुपैयाँ सहित ट्रफि मेडल र प्रमाणपत्रमा चित्त बुझाए । विजेता खेलाडीहरुलाई मञ्चका अध्यक्ष कमन देवान, औपचारिक कार्यक्रमका प्रमुख अतिथि दमक ९ का वडा अध्यक्ष कुबेर भट्टराई, अतिथिहरु इलाका प्रहरी कार्यलय दमकका प्रहरी निरीक्षक नवीन राई, विधा लक्ष्मी स्कुल दमक ४ का प्रधानाध्यापक भूपाल काफ्ले, दमकका युवा व्यवसायी रवि बस्नेत लगायतले पुरस्कार वितरण गरेका थिए । पत्रकार मञ्च दमकको आयोजनामा भएको प्रतियोगितामा दमक नगरपालिका, उधोग वाणिज्य संघ दमक, रोटरी क्लब अफ दमक, कदम थिएटर दमक, लायन्स क्लब अफ दमक, दमक जेसिस सहित राजनैतिक दलकाे सहभागिता रहेकाे थियाे । तस्वीरः सजन राई
जेनजी आन्दोलनको घटना छानबिनका लागि गठन भएको जाँचबुझ आयोगले तत्कालीन प्रधानमन्त्री केपी शर्मा ओलीलाई बयानका लागि पत्र पठाएको छ। आयोगले तत्कालीन गृहमन्त्री रमेश लेखकसँग बयान लिइसकेपछि पूर्वन्यायाधीश गौरीबहादुर कार्की नेतृत्वको आयोगले ओलीलाई पत्र पठाएको हो। आयोगले यसअघि...
ललितपुर, १२ पौष । उज्यालो नेपाल पार्टीको ताप्लेजुङ जिल्ला तदर्थ समिति गठन गरिएको छ । शनिबार पार्टीको केन्द्रीय सदस्य प्रा.डा.महेन्द्र लावतीको प्रमुख आतिथ्यतामा फुङलिङमा आयोजित एक कार्यक्रमले प्रदिप मादेन ‘नानी’को अध्यक्षतामा २९ सदस्यीय तदर्थ समिति...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७