ललितपुर, २० मंसिर । पहिचानवादी मोर्चाले प्रवासमा संगठन विस्तारलाई तिब्रता दिएको छ । आईतबार क्यानडामा दिपेश थलङ्को संयोजकत्वमा समिति विस्तार भएको हो ।

भर्चुअल बैठकको माध्यमबाट मोर्चाका संघीय संयोजक प्रा.डा. महेन्द्र लावतीको उपस्थितिमा गठित समितिको सदस्यहरुमा जनक, चेम्जोङ, भगिराज चोङबाङ्क्याक, विरकाजी गेरुङ, चन्द्रधोज राई, राजकुमार राई, सोमबहादुर चेम्जोङ, सुरेन्द्र लावती र आदि याक्थुङबा चयन भएका छन् ।

अमेरिकाको न्यूयोर्क समिति संयोजकत्मा विवश बेनाम

यसैगरी विवश वेनामको संयोजकत्मा पहिचानवादी मोर्चा न्युयोर्क समिति विस्तार भएको छ । प्रा.डा. महेन्द्र लावतीको प्रमुख आतिथ्यतामा भएको भेलाले १७ सदस्यीय समिति र ६ सदस्यीय सल्लाहकार समिति बनेको छ ।

मोर्चाको सह–संयोजकमा मिगेन थापा र सदस्यहरुमा भिमा नुगो, प्रेम कुरुम्बाङ, गणेश बेघा लिम्बु, पवित्रा सुब्बा, प्रेम राई, फुलु गुरुङ, जमुना चौहान, निलम जवेगु, सरोज थाङ्देन, पिके लिम्बु, अग्नी लिम्बु, बिनु नेम्बाङ, पान्थरे लुङवा लिम्बु र पुष्पा लिम्बु रहेका छन् ।
यस्तैगरी सल्लाहकार समितिमा निरन्जन अधिकारी, लिला सिंगक लिम्बु, टंक सेलिङ, राजकुमार बिष्ट, दिपेश खाम्बेक चवेगु र सुमन थाम्सुहाङ लिम्बु रहेका छन् ।

कार्यक्रममा बोल्दै प्रा.डा. लावतीले पहिचान पक्षधरहरु विश्वभरी छरिएर यत्रतत्र रहेता पनि देशको पुनः संरचना हुँदा पहिचानको आधारमा प्रदेशहरु बन्नु पर्ने र यहाँका सबै राष्ट्रियताहरुलाई सम्मान गर्दै देश निर्माणमा जुट्न सबै एकजुट हुनु पर्ने बताए । उनले प्रवासहरुमा समेत पहिचानको पक्षमा जनमत निर्माण शुरु भएको हुँदा ढिलो चाँडो एकदिन पहिचान पक्षधरको विजय हुने बताए ।