फाइल तस्वीरः
लिम्बुवानखबर, २० भदौं । काठमाडौंमा जारी भारतसँगको मैत्रीपूर्ण फूटबल खेलमा नेपाल भारतसँग २–१ गोलले पराजित भएको छ । आज दशरथ रंगशालामा भएको खेलमा नेपाल भारतसँग पराजित भएको हो ।
आजको खेलमा पहिलो हाफ गोलरहित बराबरीमा सकिए पनि दोस्रो हाफमा भारतले दुई गोल गर्न सफल भएको थियो । नेपालले भने एक गोल मात्र फर्काउन सकेको हो ।
भारतका लागि ६२ औं मिनेटमा फारुक हाजी चौधरीले पहिलो गोल र ८०औं मिनेटमा कप्तान सुनिल क्षेत्रीले दोस्रो गोल गरेका थिए । नेपालका लागि एकमात्र गोल ८६औं मिनेटमा तेज तामाङले गरेका थिए । खेलको अन्त्य तिर नेपालले गोलको खाता पस्के पनि खेल बराबरी गर्न वा जित्नलाई समय पर्याप्त थिएन ।
खरेलु मैदानका भरपुर उपयोग गरेको खेलमा नेपालले गोलका कयौँ मौका पाए पनि गोल गर्न भने चुकेको थियो । नेपालले बिहीबार खेलेको पहिलो मैत्रीपूर्ण खेल भने १–१ गोलको बराबरीमा सकिएको थियो ।
नेपालले असोज १५ देखि ३० गतेसम्म माल्दिभ्समा हुने साफ च्याम्पियनसिपको तयारीको लागि भारतसँग मैत्रीपूर्ण खेल खेलेको हो ।
Related