दमक, भदौ १४ । एन्जल होमस्टे समर मेडिटेशन र्‍यापिड चेस टुर-२०२६ को उपाधि झापाका ज्वाला इम्बुङले जितेका छन्। इम्बुङ झापाको विर्तामोडका एक सफल ब्यबसायी पनि हुन् ।
इलामको श्रीअन्तुमा सम्पन्न प्रतियोगितामा इम्बुङले ४ खेलमा जित र २ खेलमा बराबरी गर्दै १४ अंकसहित प्रथम स्थान हासिल गरेका हुन्।
बिश्व विजय घिमिरे ४ जित, १ बराबरी र १ हारसहित दोस्रो स्थानमा रहे । त्यस्तै हिमाल राईले पनि ४ जित, १ बराबरी र १ हारको नतिजा निकाल्दै तेस्रो स्थान हासिल गरेका छन् ।
प्रतियोगितामा रविन्द्र घिमिरे चौथो, सुमन श्रेष्ठ पाँचौँ र उमेश राई छैटौँ स्थानमा रहेका छन् ।
चेससँगै ध्यान, प्रकृति र पर्यटनलाई जोड्ने उद्देश्यले आयोजना गरिएको प्रतियोगिताले श्रीअन्तुको सुन्दर पर्यटकीय वातावरणमा खेलाडीहरूलाई प्रतिस्पर्धासँगै मनोरञ्जन र मानसिक विश्रामको अवसरसमेत प्रदान गरेको थियो ।