लिम्बुवानखबर संवाददाता । एफइ खुमलटार भेट्रान्सलाई पाखा लगाउँदै झापा भेट्रान्स फुटबल क्लब फुटबलर्स मिसन टुगेदरद्वारा आयोजित मेयर कप भेट्रान्स फुटबल प्रतियोगिताको विजेता बन्न सफल भएको छ ।

त्रिपुरेश्वरस्थित दशरथ रंगशालामा झापाले बलियो टोली खुमलटारलाई २–१ गोलको अन्तरले हराउँदै उपाधी आफ्नो पोल्टामा पारेको हो। पहिलो हाफमा एक गोलले पछि परेपनि दोस्रो हाफमा झापाले दुई गोल फर्काएको थियो।

पहिलो हाफको २६औं मिनेटमा कप्तान नरेन्द्र लामाको गोल मार्फत खुमलटारले अग्रता बनायो। तर दोस्रो हाफमा वैकल्पिक खेलाडी श्यामकुमार गोलेले व्यक्तिगत दुई गोल गर्दै झापालाई पुनरागमन जित दिलाएका थिए।

यस् जितसँगै च्याम्पियन झापाले पुरस्कार स्वरुप पाँच लाख रुपैयाँ हात पारेको छ। खुमलटारले भने २ लाख ५० हजार रुपैयाँ पाउनेछ ।