विजयपुर, धरान । संघीय लिम्बुवान मञ्च, नेपालको तेस्रो प्रान्तीय अधिवेशनले दोस्रो कार्यकालको लागि अध्यक्षमा पुनः कुमार लिङ्देन मिराकलाई सर्वसहमतिमा निर्वाचित गरेको छ । अधिवेशनले ३४ सदस्यीय पदाधिकारी चयन गरेको छ ।

गत मंसिर २४ र २५ गते सम्पन्न तेस्रो प्रान्तीय अधिवेशनले सर्वसहमतिमा नयाँ कार्य समिति चयन गरेको हो । समितिको उपाध्यक्षहरुमा ज्ञान बहादुर लिम्बु, चन्द्र खापुङहाङ लिम्बु, अम्बर बहादुर पन्धाक, कृष्ण तुम्बाहाम्फे, आइदेव राई, थाङसाङ लावती, शान्ता योङहाङ, इन्द्रकुमारी लिम्बु –इन्दीरा), विष्णुमाया थापा भट्टराई चयन भएका छन् ।

त्यसैगरी महासचिवमा दिलकुमार लावती, भानु भट्टराई र लक्ष्मी मावो निर्वाचित भएका छन् । महासचिव लावतीले लिम्बुवानको प्रशासन विभाग चलाउने चर्चा चलेको छ । पार्टीको संचार विभागलाई कुसलतापूर्व संचालन गर्दै आएका लावती लिम्बुवानको युवाहरु नेताहरुमा चर्चित छन् ।

समितिका उपमहासचिवहरुमा दिपेन्द्र चेम्जोङ (लावाहाङ), मान बहादुर साँवा, गजेन्द्रमान चोङबाङक्याक, भुपेन्द्रसुन्दर लावती, धनराज सुब्बा, पूर्णकला तेयुङ, प्रेमकुमार लावती रहेका छन् । त्यसैगरी सचिवहरुमा शंकर लिम्बु खेवा, रामचन्द्र थापा मगर, राजु राई, भक्तबहादुर लिम्बु, भिम सुनुवार, मुक्साम लाबुङ, सुनिता केरुङ, मेलिना मादेन (रीता), दिलु लिङ्देन लावती, धनबहादुर पन्धाक, काजीमान ओख्राबो, सन्तोष तुम्बापो र मोहन मावो निर्वाचित भएका छन् ।

यसैगरी अधिवेशनले लिम्बुवान मञ्चको एकसय ५१ सदस्यीय कार्य समिति चयन गरेको छ भने पैतीस सदस्यीय पहिचान समिति गठन गरेको महासचिव लावतीले लिम्बुवान खबरलाई जनाएका छन् ।