दमक, १ फाल्गुन । पवित्रहाङमा गोल्ड कप अन्तर्राष्ट्रिय महिला फुटबल प्रतियोगिताको उपाधिका लागि दारिम्बा क्लब पान्थर र जनता सेभेन क्लब इलामविच प्रतिस्पर्धा हुने भएको छ ।

साँबा पवित्रहाङमा लिङदेनज्यूको ७०औं शुभजन्मोत्सव तथा किरात धर्मगुरु लिङदेन आत्मानन्द सेइङज्यूको नुमाङगेन्ना सेवा समारोहको अवसरमा आयोजित पवित्रहाङमा गोल्डकप प्रतियोगिताको फाइलन खेल भोलि फागुन २ गते हुने आयोजकले जनाएको छ ।

इलामको माङसेबुङ गाउँपालिका–५ स्थित आत्मानन्द रंगशालामा विहिबार सम्पन्न पहिलो सेमिफाइनल खेलमा मिक्लाजुङ फुटबल क्लब पाँचथरलाई ५–१ गोल अन्तरले पराजित गर्दै जनता सेभेन इलाम फाइनल प्रवेश गरेको हो ।

यसैगरी विहिबारनै सञ्चालन भएको दोस्रो सेमिफाइनल खेलमा फेयर फुटबल क्लब धरान सुनसरीलाई १–० गोल अन्तरले पराजित गर्दै दारिम्बा क्लव पान्थर फाइनल पुगेको हो ।

प्रतियोगितको विजेता टिमले नगद ३ लाख ७० रुपैयाँ र उपविजेताले २ लाख ७० रुपैयाँका साथ ट्रफी र मेडल प्राप्त गर्ने छन् ।

प्रतियोगिता साँबा पवित्रहाङमा लिङदेनज्यूको ७०औं शुभजन्मोत्सव तथा गुरु लिङ्देन आत्मानन्द सेइङज्यूको नुमाङगेन्ना समारोह तथा आत्मापवित्र खेलकुद समितिको आयोजना रहेको छ ।