काठमाडौं । प्रतिनिधि संसद विघटन असंवैधानिक, अलोकतान्त्रिक र प्रतिगमनकारी भन्दै २३ दलीय मोर्चाले संयुक्त विरोध प्रदर्शन गरेको छ । मोहन वैद्य किरणको नेतृत्वको नेपाल कम्यूनिष्ट पार्टी (क्रान्तिकारी माओवादी)को नेतृत्वमा विरोध सभा भएको हो ।

प्रधानमन्त्री केपी ओलीले संविधानसभाको मर्म विपरित गरेको असंवैधानिक कदमले देशमा राजनीतिक द्वन्द्व सिर्जना भएको आन्दोलनकारीहरुले बताएका छन् । देशमा स्थायी शान्ति र अमनचयन कायम गर्न जनताले दिएको दुई तिहाई बहुमतको दम्भले यतिबेला सत्तारुढ नेकपा दुई टुक्रा भएको छ ।

यस मोर्चाले प्रधानमन्त्री केपी ओलीविरुद्ध माइतीघर मण्डला देखि नारावाजी गर्दै नयाँ बानेश्वर पुगेकोको थियो । मोर्चाका नेताहरुले संसद विघटनलाई ‘प्रतिगमन उन्मुख फासीवादी कदम’ समेत भनेका छन् ।