दमक भेट्रान कपको उपाधी विर्तामोडलाई

,   लिम्बुवान न्युज
                       

दमक, २१ असोज ।  प्रदेश न १ कोशी प्रदेश जिल्लास्तरीय प्रथम दमक भेट्रान च्यालेन्ज कप-२०८३ को उपाधि विर्तामोडले जितेको छ । बुधबार सम्पन्न फाइनल खेलमा आयोजक दमक भेट्रान रातोलाई २-० गोल अन्तरले पराजित गर्दै विर्तामोड च्याम्पियन बनेको हो ।

दमक भेट्रान फुटबल क्लबको आयोजनामा दमक २ बेलडाँगी खेल मैदानमा आयोजित प्रतियोगिताको फाइनल खेलको १७औं मिनेटमा विर्तामोडका प्रवेश कटुवालले गोल गर्दै सुरुआती अग्रता दिलाए । विर्तामोडका रविन राईले २८औं मिनेटमा गोल थप्दै अग्रता दोब्बर बनाए । पहिलो हाफमा पाएको अवसरको सदुपयोग गर्न नसक्दा दुई गोलले पछि परेको दमकले दोस्रो हाफमा समेत गोल गसक्दा उपविजेतामा चित्त बुझाउनु परेको थियो ।

फाइनल खेलको म्यान अफ द म्याच विजेता टिमका प्रविण राई भए । प्रतियोगिताको उत्कृष्ट गोलकिपर विर्तामोडका तीर्थ रिजाल चुनिदा विर्तामोडका मोहन गुरुङ उत्कृष्ट डिफेन्डर र भूपेन लिम्बू उत्कृष्ट मिडफिल्डर घोषित भए । यसैगरी म्यान अफ द सिरिजको उपाधि भने दमक रातोका तुल बहादुर मगर(तुला) ले प्राप्त गर्यो ।

असोज १५ देखि २१ गतेसम्म सञ्चालित प्रतियोगिताको विजेताले नगद १ लाख १ हजार रुपैयाँ सहित ट्रफी मेडल र प्रमाणपत्र पाउदा उपविजेताले ५१ हजार रुपैयाँ सहित ट्रफी मेडल र प्रमाणपत्र प्राप्त गर्यो ।?

सम्बन्धित समाचार

मुक्कुमलुङ केबलकार आयोजना खारेज गर्न माग, माग पूरा नभए निरन्तर सङ्घर्षको चेतावनी

ललितपुर, ५ मंसिर । ताप्लेजुङस्थित मुक्कुमलुङमा प्रस्तावित पाथिभरा देवी दर्शन केबलकार निर्माण आयोजना तत्काल खारेज गर्न माग गर्दै मुक्कुमलुङ संरक्षण अन्तर्दलीय सङ्घर्ष समिति र मुक्कुमलुङ ताइसेःप चुम्भोले संयुक्त रूपमा पत्रकार सम्मेलन गरेका छन् । बुधबार...

झापा–११ को १०–० को फराकिलो जित, सजिनाको ह्याट्रिक

दमक, ५ मंसिर । दोस्रो एक्स्ट्रिम झापा महिला गोल्डकपको उद्घाटन खेलमा आयोजक झापा–११ फुटबल क्लबले आरएस पोखरा फुटबल क्लबलाई १०–० को फराकिलो अन्तरले हराउँदै सेमिफाइनलमा स्थान पक्का गरेको छ । पहिलो हाफमा २–० ले अगाडि...

मिक्लाजुङमा निःशुल्क आँखा शिविर सम्पन्न : ३५ सयको परीक्षण, २७५ जनाले पाए नयाँ दृष्टि

मिक्लाजुङ, माेरङ् । मोरङको उत्तरी क्षेत्र मिक्लाजुङमा आयोजित चारदिने निःशुल्क मोतियाबिन्दु शल्यक्रिया तथा आँखा परीक्षण शिविर सम्पन्न भएको छ । शिविरमार्फत ३ हजार ५०० जना सर्वसाधारणको आँखा परीक्षण गरिनुका साथै २७५ जना मोतियाबिन्दुका बिरामीको सफल...

प्रदेश १ को भाषा विधेयक प्रदेश प्रमुखद्वारा प्रमाणीकरण, सरकारी कामकाजमा भाषासम्बन्धी कानुन कार्यान्वयनको बाटो खुला

विराटनगर, १२ कार्तिक । प्रदेश १ को भाषा विधेयक प्रदेश प्रमुख परशुराम खापुङद्वारा प्रमाणीकरण गरिएको छ। गत असोज २४ गते प्रदेश सभाबाट पारित भएको उक्त भाषा विधेयकलाई प्रदेश प्रमुख खापुङले बुधबार प्रमाणीकरण गर्नुभएको हो। प्रदेश प्रमुख...

;