दमक। दमक जेसीजमा युवा व्यवसायी निरज आचार्य अध्यक्षमा निर्वाचित हुने पक्कापक्की जस्तै भएका छन् । दमक जेसीजको विभिन्न पदहरुमा रहेर सफल नेतृत्व गरिसकेका अघिल्लो बर्षको चुनावमा अध्यक्षको प्रत्यासी समेत रहेका आचार्य यो बर्ष आफू अध्यक्ष बन्नेमा ढुक्क छन् ।

सन् २०१० मा दमक जेसीजले सम्पन्न गरेको राष्ट्रिय महाधिवेशनबाट जेसीजमा प्रवेश गरेका आचार्यले सन् २०१६ मा भि.पि. त्यसैगरी सन् २०१८ मा इ.भि.पि., जनसम्पर्क अधिकारी र प्रकरण निर्देशक जस्तो पदहरुमा रहेर दमक जेसीजमा सफल नेतृत्व गरिसकेका छन् । असल, निष्ठावान आफूलाई दिईएको जिम्मेवारी सफलतापूर्ण सम्पन्न गर्ने, बौद्धिक क्षमता भएका दमकका उदयमान व्यवसायी आचार्यको दमक जेसीजमा यो बर्ष अध्यक्ष पक्कापक्की नै हुने दावी गर्छन् ।

केही दिन देखि दमक जेसीजको अध्यक्षमा सर्वसम्मत गर्ने पूर्व अध्यक्ष तथा पदाधिकारीहरुको प्रयास भईरहेको वताइएको छ । तर हालसम्म टुंगो लागेको छैन । अध्यक्षमा आचार्य संगै सुयोग खरेलको पनि बजारमा चर्चा चलेको छ ।

विगत जस्तो यो बर्ष दमक जेसीजले गतिविधि गर्न नसकेको आवाज बजारमा गुन्जिरहेको बेला आफू अध्यक्षमा निर्वाचित भए दमक जेसीजमा थप महत्वपूर्ण कार्यहरु गर्ने अध्यक्ष प्रत्यासी आचार्य बताउँछन् ।

जेसीज युवाहरुमा ब्याक्तित्व र नेतृत्व विकाससंगै बौद्धिक क्षमता अभिवृद्धि गराउने र सामाजिक क्रियाकलापमा पनि सक्रिय रहदै आएको संस्था हो ।