चुलाचुली १ मा चासोक मनाइयो

 लिम्बुवान न्युज
                       

चुलाचुली।इलामको चुलाचुली १ मा किरात याक्थुङ् चुम्लुङ् वार्ड अन्तर्गत चासाेक समितिकाे आयोजनामा चासोक तङ्नाम कार्यक्रमको आयोजना गरिएको छ । लिम्बु जातीहरुले मंसिरे पूर्णेलाई उधाैली पुजाको रुपमा चासोक तङ्नाम मान्ने गरेका छन् । यो तङ्नामलाई अन्नवाली भित्राउने पर्व पनि मानिन्छ ।

चुलाचुली गाउँपालिकाका प्रमुख प्रदिपचन्द्र राईको प्रमुख आतिथ्यता र कार्यक्रम संयोजक डेन्सर जवेगुको सभाध्यक्षतामा भएको हो । उक्त कार्यक्रममा द भ्वाइस अफ नेपाल सिजन २ का उपविजेता विकास लिम्बु तुम्बापोले सांगीतिक प्रस्तुत दिएका थिए । साथमा जि एम राइको पनि प्रस्तुति रहेको थियो ।

विभिन्न जातीय झाँकीहरु विशेष गरेर लिम्बु जातीको केलाङ् लगायतका सांस्कृतिक कार्यक्रमहरु समेत भएको उक्त कार्यक्रममा साहित्यकारहरुको राम्रै जमघट भएको कार्यक्रम आयोजक समितिका दिपक आङ्देम्बेले बताए ।

मुन्धुम ज्ञाता ज्ञानोदय लावतीको विशेष प्रवचन रहेको उक्त कार्यक्रममा चुलाचुलीका वार्ड जनप्रतिनिधिहरु, अगुवा राजनीति कर्मीहरु, सामाजिक व्यक्तित्वहरु, वार्डका टोल विकास प्रमुख, विभिन्न मन्दिरका प्रमुखहरु लगायतको आतिथ्यता रहेको कार्यक्रममा चुलाचुलीका स्थानीवासीहरुको राम्रो उपस्थिति रहेको थियो ।

कार्यक्रम चुलाचुली १ नम्बर वार्डकार्यपालिकाको प्रायोजनमा सम्पन्न भएको हो ।

सम्बन्धित समाचार

दोलखाका १० मतदान केन्द्रमा मतदान सुरु

काठमाडाैं । विवादका कारण रोकिएको दोलखा जिल्लाका १० वटा मतदान केन्द्रमा आज पुनः मतदान भइरहेको छ । मुख्य निर्वाचन अधिकृतको कार्यालय दोलखाका सूचना अधिकारी शिवकुमार पोखरेलका अनुसार बिहान ७ बजेदेखि मतदान शुरू भएकाे जनाएका छन्...

लिम्बू कथानक चलचित्र ‘लोजिमा’को छायांकन सम्पन्न

दमक, लिम्बुवानखबर, १४ मंसिर । निर्देशक सागर सुब्बाको कथा निर्देशन रहेको लिम्बू कथानक चलचित्र ‘लोजिमा’को छायांकन सम्पन्न भएको छ । गत कात्तिक ३ गतेबाट सुरु भएको चलचित्र ‘लोजिमा’को छायांकन भारत सिक्किमको सोमबारे, दाराम्देन, थर्पु, छायाँताल, राभालाङ,...

एडिबीको सहायतामा रतुवा खाेलामा तटबन्धन

दमक/ दमक ७ स्थित नेपाल रेडक्रस सोसाइटी उपशाखा दमकको भवन छेउ हुँदै उत्तर तर्फ रतुवा खोलाको कटानग्रस्त क्षेत्रमा कटान न्यूनिकरणका लागि एशियाली बिकास बैंकको ऋण सहायतामा तटबन्धन बन्ने भएकाे छ । लाेकमार्गबाट उत्तर तर्फ रतुवा...

छथर गाउँपालिका, तेह्रथुम फाइनलमा प्रवेशः फाइनलमा तिजोक पाँचथरसँग भिड्ने

दमक, १४ मंसिर । इलामको माङ्सेबुङमा जारी आत्मानन्द कप फुटबल प्रतियोगितामा छथर गाउँपालिका, तेह्रथुम फाइनलमा प्रवेश गरेको छ । इलामको माङसेबुङ ५ स्थित प्रस्तावित आत्मानन्द रंगशालमा बुधबार भएको दोस्रो सेमिफाइनल खेलमा जलथल फुटबल क्लव झापालाई ३–०...