दाङ। संघीय लोकतान्त्रिक राष्ट्रिय मञ्चले दाङको घोराहीमा राजनैतिक भेटघाट एवं अन्तरक्रिया कार्यक्रमको आयोजना गरेको छ । मञ्चको मेचीकाली अभियान अन्तरर्गत आज (आइतबार) सो कार्यक्रम आयोजना गरिएको हो ।
मञ्चका संघीय अध्यक्ष कुमार लिङ्देन मिराकको प्रमुख आतिथ्यतामा भएको उक्त कार्यक्रमलाई संघीय मञ्च सम्बद्ध १०+१ अन्तर्गत संघीय दलित शिल्पी मञ्चको विशेष पहलमा सो राजनैतिक भेटघाट तथा अन्तरक्रिया कार्यक्रम भएको हो ।
मञ्चको ४ बर्षे राजनैतिक कार्यक्रम अन्तर्गत मेचीकाली राष्ट्रिय जागरण अभियानबाट मञ्चले आफ्नो दस्तावेज राजनीतिक एजेण्डालाई पुस्तकको रुपमा प्रकाशन गरेर देशका सबै प्रान्त तथा क्षेत्रहरुमा पु¥याउने लक्ष्यका साथ मेचीकाली अभियान शुरु गरिएको संघीय अध्यक्ष लिङ्देनले बताएका छन् ।
“अब देशमा नयाँ राजनीति दलको आवश्यकता भएको छ त्यो दल भनेको पहिचानवादी, संघीयवादी, सह–अस्तित्ववादी, धर्मनिरपेक्षतावादी र सबै जाती, भाषा, समुदाय र वर्गलाई समेटेर लान सक्ने विचार भएको पार्टीको आवश्यकता भएको हुँदा संघीय मञ्चले मात्र त्यो पुरा गर्ने भनेका छन्”– अध्यक्ष लिङ्देनले भने । उनले विशेष गरेर युवाहरुको भूमिका राष्ट्रिय निर्माणमा महत्वपूर्ण भूमिका हुनेभएको हुँदा आम युवाहरुले अब विचार गरेर मात्र अघि बढ्न आग्रह गरेका छन् ।
उक्त अन्तरक्रिया कार्यक्रमले नक्षेत्र बहादुर बिकको संयोजकत्वमा संघीय लोकतान्त्रिक राष्ट्रिय मञ्च घोराही तदर्थ समिति समेत बनेकोे छ । समितिको सदस्यहरुमा लाल बहादुर नेपाली, गुरु प्रसाद नेपाली, मिलन नेपाली, श्रीराम दमाई, माधवा श्रेष्ठ नेपाली, गीता सुनार, सुमित्रा नेपाली, सिवा रोक्का, किरनी रोक्का, सुमित्रा घर्ती, सुमीत्रा पुन, अमृता गुरुङ, गंगा पुन, राजकुमार चौधरी, रोशन चौधरी र सृजना चौधरीलाई चयन गरेको छ ।
अन्तरक्रिया कार्यक्रममा मञ्चका संघीय अर्थ संयोजक विष्णु यक्सो, संघीय सचिवहरु शान्ता योङ्हाङ्, इन्दीरा मेन्याङ्बो, संघीय अर्थ सचिव दिपा लिम्बु, संघीय सदस्यहरु चन्द्र कन्दङ्वा, सुर्य लिम्बु, संघीय दलित शिल्पी मञ्चका महासचिव शान्ता वागचन्द लगायत मेचीकाली अभियानका नेताहरुको सहभागिता रहेको थियो ।
इलाम, १० मंसिर । निक्कै नै रोचक मोडमा पुगेको इलाम क्षेत्र नं. २ को मत गणना रोकिएको छ । कडा प्रतिस्पर्धा देखिएको इलाम प्रतिनिधिसभा क्षेत्र नम्बर २ मा अन्तिम वडाको मतगन्दा गन्दै गणना रोकिएको हो...
माङसेबुङ । इलामको माङसेबुङमा शुरु भएको आत्मानन्द कप १५औं संस्करण पुरुष फुटबल प्रतियोगितामा हाटखोला फुटबल क्लव सुनसरीले बिजयी सुरुवात गरेको छ । माङसेबुङ ५ स्थित प्रस्तावित आत्मानन्द रंगशालमा आज शुक्रबार भएको उद्घाटन खेलमा डिफेन्डिङ च्याम्पियन माङसेबुङ...
काठमाडौं, ९ मंसिर । कतारमा जारी २२औं संस्करणको विश्वकप फुटबलमा चार खेलहरुमा तीन खेल जित र एक खेल बराबरी भएको छ । उपाधिको मुख्य दाबेदारको रुपमा कतार पुगेका ब्राजिलले फिफा विश्वकप फुटबलको पहिलो खेलमा सर्बियालाई...
दमक, ८ मंसिर । किरात धर्मगुरु आत्मानन्द लिङदेन सेइङको ६९औं जन्मोत्सव तथा गुरुआमा पवित्रहाङमा साम्बा लिङदेनको नुमाङगेन्ना सेवाको अवसरमा आयोजित ‘आत्मानन्द कप’ १५ औं संस्करण पुरुष फुटबल प्रतियोगिता २०७९ शुक्रबार देखि सुरु हुदैंछ । आत्मानन्द...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८