घाइते वडाध्यक्ष लावतीलाई कुरुम्बेली समाज सेवाबाट आर्थिक सहयोग प्रदान

 लिम्बुवान न्युज
                       

दमक। मोटरसाईकल दुर्घटनामा घाइते भई उपचार गरिरहेका चुलाचुली १ नम्बर वडाका वडाध्यक्ष पूर्णकुमार लावती (धु्रव) लाई कुरुम्बेली समाज सेवा संघले आर्थिक सहयोग प्रदान गरेको छ ।

आज (सोमबार) कुरुम्बाबाट दमकमा बसाईसरी आएकाहरुले स्थापना गरेको कुरुम्बेली समाज सेवा संघको सक्रियतामा १ लाख ५ हजार ५०५ रुपैयाँ रकम घाइते लावतीलाई हस्तान्तरण गरेको हो ।

सोही रकम हस्तान्तरण कार्यक्रममा पापोहाङ् लावती सयङ् यूकेबाट यधुचन्द्र लावतीको सक्रियतामा आएको ६० हजार ७३५ रुपैयाँ समेत घाइते वडाध्यक्षलाई प्रदान गरिएको कुरुम्बेली समाजका अध्यक्ष ऐनमानसिं लावतीले बताए । घाइते वडाध्यक्षलाई सेवा संघको सक्रियतामा आज १ लाख ६६ हजार २४० रकम प्रदान गरिएको सचिव धिरेन सुब्बाले बताउनु भएको छ ।

गत कार्तिक ९ गते साँझ घर जाने क्रममा उनी मोटरसाईकल दुर्घटनामा परेका थिए । विर्तामोडको वि एण्ड सीमा उपचार गराईएको थियो । उनको टाउको पछाडिको नसामा समस्या भई हाल दमकको एक फिजियोथेरापीमा थप उपचार भईरहेको छ । नसाका समस्या कारण उनी सामान्य हिडडुल गर्न सक्दैनन् । उपचारका क्रममा हालसम्म करिब ८ लाख बढी खर्चभईसकेको र थप उपचार गर्न आर्थिक समस्या भएपछि पीडित परिवारले याचना गरिआएका छन् ।

यसैक्रममा संघीय लोकतान्त्रिक राष्ट्रिय मञ्च तथा संघीय लिम्बुवान मञ्चबाट १ मात्र वडाध्यक्ष निर्वाचित लावतीको उपचारमा मञ्चले चासो देखाएको जनाएको छ । हालै दमकमा बसेको मञ्चको बैठकले उपाध्यक्ष देउकुमार निङलेखुको संयोजकत्वमा ५ सदस्यीय आर्थिक संकलन समिति गठन गरेर सहयोग रकम उठाउन शुरु गरेको मञ्चले जनाएको छ । अबको केही दिनमा थप रकम मञ्चले संकलन गरेर घाइते वडाध्यक्षलाई दिने संयोजक निङलेखुले बताए । घाइते लावती लिम्बुवान मञ्चका केन्द्रीय सदस्य समेत हुन् ।

त्यस्तै, साही कार्यक्रममा पक्षघात भई उपचाररत दमक ६ का मानबहादुर लावतीलाई समेत पापोहाङ लाओती सयङ् यूकेबाट प्राप्त भएको रकम ६० हजार ७३५ रुँपैया हस्तान्तरण गरिएको कुरुम्बेली समाज सेवा संघका सचिव धिरेन लावतीले वताए । सहयोग रकम कुरुम्बेली समाज सेवा संघको समन्वयमा हस्तान्तरण गरिएको थियो ।

 

 

सम्बन्धित समाचार

लिम्बु भाषाकाे लघु चलचित्र ‘तङ्सिङ्’ को छायांकन  सम्पन्न

ललितपुर, १९ असार । याक्थुङ/लिम्बू भाषामा निर्माण गरिएको लघु चलचित्र ‘तङ्सिङ्’ को छायांकन  सम्पन्न भएको छ। पान्थर र काठमाडौँ जिल्लाका विभिन्न ऐतिहासिक स्थलहरूमा छायाँकन सम्पन्न भएको हो। याक्थुङ मुन्चइत चोक सयङकाे निर्माण तथा चलचित्र विकास...

राष्ट्रिय झण्डा र त्रिशुल लडाएको प्रति पत्रकार सम्मेलन गरेर आपत्तिः कारबाहीको माग

दमक, १५ असार ।  मोरङको पथरीशनिश्चरे—१० स्थित किरात युमा माङहिमले धार्मिक आस्थाको लागि राखिएको त्रिशुल र नेपालको राष्ट्रिय झण्डा लडाउनेहरुको खोजी गरेर कारबाहीको माग गर्दै शनिबार पत्रकार सम्मेलनको आयोजना गरेरै आक्रोश व्यक्त गरेका छन् ।...

एकदेव लिम्बू र नेहा कक्करको आवाजमा ‘झिम झिम’ हिन्दी गीत युट्युवकाे टेण्डिङ एकमा

ललितपुर, १५ असार । चर्चित युवा गायक एकदेव लिम्बू र चर्चित भारतीय गायिका नेहा कक्करको आवाजकाे गित ‘झिम झिम’ हिन्दी भर्सन गीतकाे भिडियाे युट्युबकाे टेण्डिङ एकमा पुगेकाे छ ।  शुक्रबार ‘झिम झिम’को हिन्दी रिमेक गित...

तेह्रथुमको सर्वाङ्गिण विकासको लागि सोच्नुपर्नेः प्रदेश प्रमुख खापुङ

दमक, १५ असार । प्रदेश प्रमुख माननीय परशुराम खापुङज्यूले तेह्रथुम जिल्लामा जन्म लिएर विराटनगर बसोबास गरिरहनुभएका तथा पुख्र्यौली तेह्रथुम जिल्ला भएका विराटनगरबासीले तेह्रथुमको सर्वाङ्गिण विकासको लागि सोच्नुपर्ने बताउनुभएको छ । तेह्रथुम सरोकार समाज, विराटनगरको दोश्रो...