विर्तामोडबाट चोरीका १४ वटा मोटरलाई सहित ७ जना पक्राउ

 लिम्बुवान न्युज
                       

दमक। तराईबाट मोटरसाइकल चोरी गरेर पूर्वी पहाडसम्म पुरयाउदै बिक्री गर्ने गिरोहलाई पुलिस पक्राउ गर्न सफल भएको छ । झापाको विर्तामोडमा बसेर पहाडसम्म चोरीका मोटरसाइकल पुरयाउने, बेचबिखन गर्ने धन्दामा संलग्न उनीहरुलाई इलामबाट प्रहरीले पक्राउ गरेको हो ।

पक्राउ पर्नेमा माइ नगरपालिका ६ का मनिष गिरी, सोही ठाउँका रोशन गिरी, राजेश गिरी, सोही नगरको वडा २ का क्षिातिज भनिने रोशन तामाङ र वडा ८ का रोशन बुढाथोकी पाँचथरका पासाङ तामाङ र ताप्लेजुङका सन्दिप लिम्बु रहेका इलाका प्रहरी कार्यालय अनारमनीले आज (मंगलबार) पत्रकार सम्मेलन मार्फत सार्वजनिक गरेको हो ।

प्रहरीले उनीहरुका साथबाट झापा लगायतका बिभिन्न जिल्लाबाट चोरी गरिएका १४ थान मोटरसाइकल बरामद गरेको छ । प्रहरीले १५० सिसिको २ वटा अपाची, २२० सिसिको २ वटा पल्सर र बाकी १५० सिसिको पल्सर मोटरसाइकल बरामद गरेका जनाएको छ ।

इलाम, पाँचथर र ताप्लेजुङ घर भएका उनीहरुले बिर्तामोडमा डेरा गरी बसेर मोटरसाइकल चोरी धन्दा चलाउदै आइरहेको खुलेको छ । उनीहरुलाई इलाका प्रहरी कार्यालय अनारमनीले मंगलबार विहान पत्रकार सम्मेलनमार्फत सार्वजनिक गरेका हुन । मोटरसाइकल चोरी भएको उजुरी परेपछि पछिल्लो २४ घण्टामा प्रहरीले चोरी भएका मोटरसाइकल फेला पार्दै उनीहरुलाई पक्राउ गर्न सफल भएको डिएसपी मुकुन्द रिजालले बताए ।

एकै समयमा धेरै वटा मोटरसाइकल हराए पछि प्रहरीले यो घटनालाई उच्च प्राथमिकतामा राखेर अनुसन्धान अघि बढाएको थियो । प्रहरीले गत शनिवार पाँच जनालाई इलामबाट पक्राउ गरि झापा ल्याएको हो अन्य दुई जना झापाबाटै पक्राउ परेको बताइएको छ । पक्राउ परेका सातै जनालाई झापा जिल्ला अदालतबाट चोरी मुद्दामा म्याद थप गरि अनुसन्धान अघि बढाइएको जनाइएको छ ।

सम्बन्धित समाचार

मंसिर २६ र २७ गते मध्ये पहाडी लोकमार्ग बन्द हुने: ओखलढुङ्गामा पक्राउ भएका नेता रिहा

काठमाडौं, २० मंसिर । प्रदेश १ पुनः नामाङकन संयुक्त संघर्ष समितिले आगामी २६ र २७ गते मध्ये पहाडी लोकमार्ग अन्तरर्गत घुर्मीदेखि लेगुवाघाटसम्म सडक बन्दको घोषणा गरेको छ । एमालेको मध्ये पहाडी यात्रामा कोशी नाममा हस्ताक्षर...

फाक्फोकथुममा मंसिर २५ र २६ गते चासोक तङ्नाम मेला लाग्दै

दमक, १९ मंसिर । इलाम जिल्लाको फाक्फोकथुम ४ स्थित लिम्बु गाउँमा  चासोक तङ्नाम रमाईलो मेला लाग्ने भएको छ । बिगत १६ बर्ष देखि निरन्तर लागिरहेको मेला विगत बर्ष झैं मंसिर २५ र २६ गते दुई...

फालेलुङमा संघर्ष समिति र पहिचानका लागी युवा गठन

दमक, १९ मंसिर ।  पाँचथर जिल्लाको फालेलुङ गाउँपालिकामा प्रदेश नं.१ पुनः नामाङकन संयुक्त संघर्ष समिति र पहिचानका लागि युवा दस्ता गठन भएको छ। पहिचानवादीहरुको भेलाले धन बहादुर केरुङको संयोजकत्वमा २१ सदस्यीय संयुक्त संघर्ष समिति र...

किरात धर्मगुरु आत्मानन्द लिङ्देनको जन्मोत्सवमा सार्वजनिक विदा

दमक, १६ मंसिर । किरात धर्मका वर्तमान धर्मगुरु आत्मानन्द लिङ्देनको जन्मोत्सवमा इलामको माङसेबुङ गाउँपालिकाले सार्वजनिक विदा दिने भएको छ । धर्मगुरु लिङ्देनको ७०औँ जन्मोत्सवमा मंसिर १८ गते सोमबारका दिन स्थानीय सरकारले विदा घोषणा गरेको हो...