माङसेबुङ। दमक चिसोपानि (फाल्गुनन्द) सडक अन्तर्गत माङसेबुङ ३ चतुरेमा आज बुधवार ट्याक्सी दुर्घटना भएको छ । चतुरे फोमी होटलदेखि ५ सय मिटर दक्षिणमा सो दुर्घटना भएको हो ।

दमक देखि गजुरमुखि जाँदै गरेको को १ ज ३२७४ नम्बरको ट्याक्सी मध्यान्हमा दुर्घटना भएको मान बहादुर बुढाथोकीले बताएका छन् । घाइते हुनेहरुमा ट्याक्सी चालक माङ्सेबुङ–१ का ५२ बर्षीय भक्ति प्रसाद लिम्बु, सोही वडाकि १५ बर्षकी एन्जिना लिम्बु, १७ बर्षकी समीक्षा लिम्बु, वडा नं. ३ की उमेर नखुलेकी सिर्जना लिम्बु, मिक्लाजुङ ४ मोरङकी सुमित्रा राई उनको ५ बर्षकी छोरी सेन्माङ राई र झापा शिवसताक्षीका १३ बर्षकी इक्सा लिम्बु रहेका छन् । घाइतेहरु मध्ये सृजना र सुमित्राको टाउँकोमा चोट लागेको बाँकी सबै सामन्य रहेको अस्पताल स्रोतले जनाएको छ ।

अचानक ट्याक्सीमा ब्रेक फेल भई ब्रेक नलागेपछि नियन्त्रणमा लिन नसकेको हुँदा ट्याक्सी पल्टिएको चालक लिम्बुले बताएका छन् । चालक लिम्बुलाइकाे टाउकाेमा चाेट लागेकाे छ । ट्याक्सी पल्टिएको हुँदा पूर्ण क्षति भएको अन्य यात्रुहरुको स्वास्थ्य अवस्था सामान्य रहेको बताइएकाे छ । उक्त ट्याक्सी माङ्सेबुङ १, इलामका मणिराज थेगिमको रहेको पुष्टि भएको छ ।

ट्याक्सी चालकः भक्ति प्रसाद लिम्बु

घाइतेः सुमित्रा र छाेरी सेन्माङ