होलसेल व्यवसायी संघ दमकको अध्यक्षमा रिङ कुमार आचार्य

 लिम्बुवान न्युज
होलसेल व्यवसायी संघ दमकको अध्यक्षमा रिङ कुमार आचार्य

दमक। होलसेल व्यवसायी संघ दमकको अध्यक्षमा रिङ कुमार आचार्य चयन भएका छन् । शुक्रबार भएको संघको प्रथम साधारणसभाबाट आचार्यको अध्यक्षतामा ११ सदस्यीय कार्यसमिति चयन गरेको हो ।

सर्वसम्मत गठित समितिको उपाध्यक्षमा भक्तवहादुर बस्नेत, सचिवमा राम प्रसाद रिमाल, सहसचिवमा दयाशंकर आचार्य र कोषाध्यक्षमा शम्भुप्रसाद खतिवडा (रमेश) चुनिएका छन् । यस्तै सदस्यहरुमा क्रमशः हिरादेवी उप्रेती, राजेश अग्रवाल, राजकुमार गुप्ता,भरत प्रधान, अर्जुन कार्की र ज्ञाननाथ पौडेल (ज्ञानु) चुनिएका छन् ।

सोहि साधारणसभाले काशी थपलियाको संयोजकत्वमा कृष्ण ओली, राजन कटुवाल, राजकुमार श्रेष्ठ, ज्ञानेन्द्र सुब्बा सदस्य रहेको एक सल्लाहकार समिति समेत गठन गरिएको नवनिर्वाचित सचिव रामप्रसाद रिमालले वताए ।

दमक नगरपालिकाका प्रमुख रोमनाथ ओलीको प्रमुख आतिथ्यतामा भएको साधारणसभामा दमक उद्योग वाणिज्य संघका अध्यक्ष गोकुल श्रेष्ठ, दमक ७ का वडाध्यक्ष भिमप्रसाद पौडेल, दमक जेसीजका अध्यक्ष सुयोग खरेल लगायतले शुभकामना मन्तव्य राखेका थिए । साधारणसभामा दमकका विभिन्न सामाजिक संघसंस्थाका प्रतिनिधिका साथै व्यवसायीहरुको समेत उपस्थिति रहेको थियो ।

दमकको वजार क्षेत्रका होलसेल व्यवसायीहरुले गत साउन २९ गते स्थापना गरेको सो संघमा अहिले ६० जना बढी आवद्ध भएका छन् । होलसेल व्यवसायीहरुको पेशागत हकहितसंगै आपसी समन्वय गर्ने उद्देश्यले संघ स्थापना गरि काम थालिएको सचिव रिमालले जनाएका छन् ।

सम्बन्धित समाचार

चुम्लुङको कनकाई अध्यक्षमा प्रेमकुमार फोम्बो

झापा। किरात लिम्बु जातिहरु साझा संस्था किरात याक्थुङ् चुम्लुङ् कनकाई नगर अध्यक्षमा प्रेम कुमार फोम्बो निर्वाचित भएका छन् । शनिबार कनकाई दुर्गापुरको सामुदायिक भवनको सभाहलमा सम्पन्न तेस्रो अधिवेशनले नयाँ कार्य समिति चयन गरेको हो ।...

राष्ट्रपति भण्डारीद्वारा संघीय संसद बैठक आह्वान

काठमाडौं, १७ फागुन । राष्ट्रपति विद्यादेवी भण्डारीले संसद अधिवेशन आह्वान गरेकी छन् । सरकारको सिफारिसअनुसार राष्ट्रपति भण्डारीले फागुन २३ गते अपरान्ह ४ बजेका लागि संसद अधिवेशन आह्वान गरेकी हुन् । राष्ट्रपतिको कार्यालयद्वारा जारी विज्ञप्तिमा २३...

मौसम विद्वका अनुसार आजबाट गर्मी शुरु

लिम्बुवानखबर, १७ फागुन। जाडोयामको समाप्तीसँगै आजदेखि प्रि–मनसुन शुरु भएको छ । जल तथा मौसम विज्ञान विभागले आज एक बुलेटिन निकालेर मार्च १ अर्थात् आजदेखि यस वर्षको जाडोयाम अन्त्य भई प्रि–मनसुन ‘सिजन’ शुरु भएको जनाएको छ...

प्रधानमन्त्रीबाट चाइना नेपाल फ्रेण्डसीप इन्डस्ट्रियल पार्कको शिलान्यास

कमल। प्रधानमन्त्री केपी शर्मा ओलीले आफ्नो निर्वाचन क्षेत्र झापाको चाइना नेपाल फ्रेण्डसीप इन्डस्ट्रियल पार्कको शिलान्यास गरेका छन् । त्यसैगरी आजै झापाको कमल २ स्थित कमल खोलामा निर्माण गरिएको पक्की पुलको उद्घाटन गरेका छन् । आजै...