दमक, ११ माघ।  झापाकाे दमक–६ घर भई हाल अमेरिकामा बसोबास गर्दै आएकी मनिषा एवई राईले दमक ९ स्थित अनाथ बालबृद्धाश्रममा जाडोमा उपयोगी लत्ताकपडासहित खाद्यन्न सहयोग गरेकी छिन् ।

आज आश्रममै एक कार्यक्रम गरि त्यहाँका आश्रित असहाय बालबालिकाहरुका लागि ६ थान ओढ्ने फाइवर सिरकसहित ५० केजी चामल, ४ लिटर खानेतेल, ५ केजी चिनी, ५ केजी दाल, साबुन, व्रस लगायतका उपभोग्य सामग्रीहरु हस्तान्तरण गरिएको हो ।

सहयोग हस्तान्तरण कार्यक्रम कमल ५ स्थित नन्द चन्द्रकुमारी आङदेम्बे स्मृति प्रतिष्ठानको संयोजनमा भएको थियो । सामाजिक कार्यमा सक्रिय राईले आफूले आर्जन गरेको रकमवाट खाजा खर्च कटाएर यस्ता मानवीय सेवाको कार्यमा सहयोग पुरयाँउदैआएकी छिन् ।

ती सहयोग सामाग्रीहरु दमक ९ का वडाध्यक्ष राम बहादुर धिमाल, प्रतिष्ठानका सचिव विष्णु सुब्बाले आश्रम सञ्चालक समितिकी उपाध्यक्ष मन्दरा पौडेल र कोषाध्यक्ष मेनुका बुढाथोकीसहित बालबालिकाहरुलाई हस्तान्तरण गरेका थिए ।

सो आश्रममा हाल १६ जना असहाय तथा विपन्न वर्गका बालबालिकाहरु आश्रित छन । कार्यक्रममा वडाध्यक्ष धिमाल र आश्रमका तर्फबाट सञ्चालक समिति उपाध्यक्ष पौडेलले सहयोगी दाताप्रति धन्यवाद प्रकट गरेका थिए ।