धनकुटामा १६ बर्षीय विद्यार्थी बलात्कारी शिक्षक सहित ४ जनालाई १८ बर्ष कैद

 लिम्बुवान न्युज
                       

धनकुटा। जिल्ला अदालत धनकुटाले १६ बर्षीय विद्यार्थीलाई यौन शोषण गरी बलात्कार आरोपी शिक्षक सहिद ४ जनालाई १८ बर्ष कैद सजाय सुनाएको छ । धनकुटा नगरपालिका ६ का दलित विद्यार्थीलाई बारम्बार यौन शोषण गरेको घट्नामा सोही वार्डका शिक्षक मदन अधिकारी, स्थानीय गौरी अत्री, भक्त बहादुर मगर र देवेन्द्र श्रेष्ठलाई जिल्ला अदालतले दोषी ठहर गरी कैद सजाय सुनाएको हो ।

जिल्ला न्याधिस फडिन्द्र प्रसाद पराजुलीको एकल इजलासले दोषी शिक्षकलाई १८ बर्ष ६ महिना कैद, मगर, श्रेष्ठ र अत्रीलाई १८/१८ बर्ष कैद सजाय तोकेको छ । त्यसैगरी ४ जनालाई १ लाख ५० हजार क्षतिपुर्ति र ५० हजार जरिवाना समेत तोकिएको छ ।

विद्यार्थी बालिकालाई बलात्कृत गर्ने अधिकारी शिक्षक भएकोले थप ६ महिना कैद सजाय तोकिएको जिल्ला अदालतका श्रेष्तेदार राजन बास्तोलाले बताए । धनकुटा ६ मा रहेको गोकुण्डेश्वर माध्यमिक विद्यालयमा अध्ययनरत ति बालिका माथि बारम्बार यौन शोषण गर्दै आएको पुष्टि भएकोे छ । लामो समय देखि यौन शोषण हुँदै आएपनि गत जेष्ठ महिनामा मात्र घट्नाको रहस्य बाहिर सार्वजनिक भएको थियो ।

सोही विद्यालयको शिक्षक अधिकारी सहित ४ जनाबाट बारम्बार रूपमा ललाई फकाई गरी यौन शोषण गरेको र ती बालिकको पेटमा गर्भ रहे पछी सोधपुछ गर्नेक्रममा यो घटनाको रहस्य बाहिरिएको थियो । ४ आरोपीले फरक–फरक ठाउँमा लगेर शारिरिक यौन शोषण गरेको पिढीत बालिकाले बयान दिएकी छन् । परिवारले यो कुरा थाहा पाएपछि किटानी जाहेरी दिएको आधारमा चारै जनालाई पक्राउ गरिएको थियो ।

नेकपा पार्टीका शिक्षक संगठनको उपध्यक्ष समेत रहेको अधिकारीले आफू निर्दोस भएको भनि विज्ञाप्ती समेत जारी गरेका थिए । तर १८ बर्ष भन्दा मुनिका बलिकाहरूलाई दुवैको मञ्जुरीमा शारिरिक सम्पर्क गरे पनि सम्पर्क गर्ने व्यक्तिलाई जबरजस्ति करणी तथा बलात्कार गरेको हो भनी कसुर अन्तर्गत कानुनी व्यावस्था भएकोले प्रहरीले उनिहरूलाई जवरजस्ती करणी मुद्दा दायर गरेको थियो । सोही बमोजिम सबै जना दोषि ठहर भई अदालतले जेल सजाय सुनाएको छ ।

बलात्कृत बालिकाले ३ महिना अघि नै बच्चा जन्माएकी छन् भने हाल बालिकालाई बच्चा सहित पुनर्थापना केन्द्रको संरक्षणमा राखिएको छ ।

सम्बन्धित समाचार

पहिचान आन्दोलनका प्रथम शहीद पदमकुमार लिम्बुको शहादत्ताको चर्चाः समाधिस्थल लगायत विभिन्न स्थानमा स्मृतिसभा सम्पन्न

दमक, १० चैत्र । प्रदेश नं. १ को नामाङकन कोशी राखेसँगै उठेको पहिचानवादी आन्दोलनको प्रथम सहिद पदमकुमार लिम्बू (लाजेहाङ) शहादत्त भएको आज एक बर्ष पुरा भएको छ । शहीद लाजेहाङको साहदतको चर्चा गर्दै शनिबार मोरङको...

महागुरु फल्गुनन्दको समाधिमा शालिक नराख्न संघको अनुरोध

दमक, १० चैत्र । पाँचथर जिल्लाको फाल्गुनन्द गाउँपालिकास्थित वडा नं. २ र ३ तथा फिदिम नपा वडा नं. ३ को संगम स्थल सिलौटीमा राष्ट्रिय विभूती महागुरु फाल्गुनन्दको शालिक नराख्न सो क्षेत्र संरक्षण गर्दै आएका किराती...

इलाम २ मा पत्रकार मिलन लिम्बुको स्वतन्त्र उम्मेदारी घोषणा

दमक, ४ चैत्र । नेपाल आदिवासी जनजाती पत्रकार महासंघका केन्द्रीय महासचिव मिलन लिम्बूले इलाम २ को प्रतिनिधिसभा सदस्य उपनिर्वाचनमा उम्मेदवारी घोषणा गरेका छन् । आइतबार काठमाडौं अनामनगरस्थित युनियन हाउसमा आयोजित पत्रकार सम्मेलनमा उनले उपनिर्वाचनमा स्वतन्त्र...

इलाम २ मा डकेन्द्रसिंह थेगीम लिम्बु पहिचान पक्षधरहरुको साझा उम्मेदवार घोषणा

ललितपुर, चैत्र ३ । ‘कोशी’ नाम विरुद्व आन्दोलनरत प्रदेश नं. १ पुनः नामाङकन संयुक्त संघर्ष समितिले पहिचान पक्षधरहरुको आसन्न इलाम क्षेत्र नम्बर २ को प्रतिनिधिसभा उपनिर्वाचनमा साझा उम्मेदवार घोषणा गरेका छन् । संघर्ष समितिले बिहीबार...