१० लाखसँगै त्रिभुवन आर्मीले चौथो प्रधानमन्त्री कप उचाल्यो

 लिम्बुवान न्युज
                       

काठमाडौं, माघ १७। त्रिभुवन आर्मी क्लबले चौथो संस्करणको प्रधानमन्त्री कप एकदिवसिय क्रिकेट प्रतियोगिताको उपाधि उचालेको छ ।

शनिबार भएको फाइनल खेलमा एपिएफ क्लबलाई ३३ रनले हराउँदै आर्मीले प्रथम पटक उपाधि हात पारेको हो । विजेता आर्मीले १० लाख र उपविजेता एपिएफले ५ लाखमा चित्त बुझाएका छन् । अन्तिममा चार रन जोड्न ४ विकेट गुमाएपछि एपिएफ पराजित हुन पुगेको हो ।

जितका लागि २ सय १२ रनको विजयी लक्ष्य पछ्याएको एपिएफ ४१.३ ओभरमा १ सय ७८ रनमा अल आउट भयो । एपिएफका ओपनर आशिफ शेखले ७१ बलमा ८ चौका र १ छक्का सहित सर्वाधिक ६१ रनको योगदान दिएपनि टोलीलाई जिताउन सकेनन् । आशिफको जारी प्रतियोगितामा तेस्रो अर्धशतक हो ।

चौथो ओभरको पहिलो बलमा जितेन्द्र मुखियाले ओपनर सुबास खकुरेललाई १४ रनमा विकेटकिपर विनोद भण्डारीबाट क्याच गराउँदै पहिलो सफलता दिलाए । सुबासले १५ बलमा ३ चौका प्रहार गरे । लगत्तै अर्को बलमा कप्तान शरद भेषावकर कटविहाइन्ड हुँदै गोल्डेन डग आउट हुन पुगे ।

तेस्रो विकेटका लागि आशिफ र शंकर रानाले ७१ रनको महत्वपूर्ण साझेदारी गर्दै टोलीको संकटलाई पार लगाएका थिए । स्पिनर साहब आलमले २० औं ओभरको चौथो बलमा शंकरलाई विनोदबाट २१ रनमा क्याच गराउँदै साझेदारी तोडेका थिए । शंकरले ४७ बलमा ३ चौका प्रहार गरे । सुमित महर्जन ४० बलमा १ चौका र १ छक्का सहित १९ रनमा आउट भए ।

३९ औं ओभरको अन्तिम बलमा सन्दीप जोरालाई विक्रम सोबले हरि चौहानबाट २९ रनमा क्याच गराएपछि खेलले नयाँ मोड लिएको थियो । सन्दीपले ३७ बलमा १ चौका र १ छक्का प्रहार गरे । सन्दीप आउट भएसँगै एपिएफले ४ रन जोड्न चार विकेट गुमाएपछि आर्मी च्याम्पियन बनेको हो ।

विक्रम सोबले ९ ओभरमा २७ रन खर्चेर ३ विकेट लिए । जितेन्द्र मुखियाले ९ ओभरमा १ मेडन सहित ३७ रन खर्चेर ३ विकेट लिए । साहब आलमले ९.३ ओभरमा २ मेडन सहित २८ रन खर्चेर ३ विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङ थालेको आर्मीले ५० ओभरमा ९ विकेट गुमाउँदै २ सय ११ रन बनाएको थियो । आर्मीका हरि चौहानले १ सय २ बलमा ६ चौका सहित सर्वाधिक ५८ रनको योगदान दिए । हरिले ८९ बलमा अर्धशतक पूरा गरेका थिए ।

आर्मीले आश्चर्य पार्दै ओपनिङमा अनिल कुमार मण्डलका साथ स्पिनर सुशन भारीलाई पठाएको थियो । बाँया हाते स्पिनर सुशनले ९ ओभर सम्म अनिलसँग ३२ रनको साझेदारी गरेका थिए । सुशन किशोर महतोको नवौं ओभरको अन्तिम बलमा कट विहान्ड हुँदै विकेटकिपर सुबास खकुरेलबाट १३ रनमा आउट भए । सुशनले ३४ बल खेल्दै एक चौका प्रहार गरे ।

लगत्तै दशौं ओभरको पहिलो बलमा अनिल एज लागेर सेकेन्ड स्लिपमा आशिफ शेखबाट ११ रनमा आउट भएका थिए । अनिलले २१ बलमा १ चौका प्रहार गरे । १८ औं ओभरको पहिलो बलमा भिम सार्की ७ रनमा सुबास क्याच आउट भए । भिमले ३६ बलमा १ चौका प्रहार गरे । स्पिनर भुवन कार्कीको २७ औं ओभरको दोस्रो बलमा ठूलो सट खेल्ने धुनमा युवा ब्याट्सम्यान रोहित कुमार पौडेल मिडअनमा अमरसिंह रौउटेलाबाट १३ रनमा क्याच लिए ।

रोहितले ३० बलमा १ छक्का प्रहार गरे । विनोद भण्डारी ७ रनमा एलबिडब्लू आउट भए । तल्लोक्रममा लोकेश बम ९ बलमा २ छक्का सहित १५ रनमा क्याच आउट भए । राजेश पुलामी २९ बलमा २ चौका र १ छक्का सहित २८ रनमा आउट भए । साहब आलमले राम्रो अन्त्य गर्दै १४ बलमा २ चौका र १ छक्का सहित २४ रनमा अविजित रहे । विक्रम सोब ११ रनमा आउट भए ।

एपिएफका तीव्र गतिका बलर अभिनाश बोहराले १० ओभरमा २ मेडन सहित २५ रन खर्चेर ४ विकेट लिए । किशोर महतोले १० ओभरमा ५३ रन खर्चेर २ विकेट लिए । भुवन कार्की, शरद भेषावकर र कमलसिंह ऐरीले १–१ विकेट लिए ।

यस अघि आर्मीले पहिलो संस्करणको फाइनलमा नेपाल पुलिस क्लबसँग वर्षाको कारण उपाधि बाँडेको थियो । सशस्त्रले दोस्रो संस्करणमा फाइनलमा आर्मीलाई ६ विकेटले हराउँदै उपाधि जितेको थियो । तेस्रो संस्करणमा आर्मी नेपाल पुलिस क्लबसँग ४ विकेटले पराजित भएको थियो ।

सम्बन्धित समाचार

दमक कृष्णमन्दिरमा निःशुल्क स्वास्थ्य शिविर सम्पन्न

दमक, ३१ वैशाख । झापाकाे दमक–४ स्थित कृष्ण मन्दिर परिसरमा विद्यालक्ष्मी एजुकेसन फाउन्डेसनको आयोजनामा तथा नेपाल आयुर्वेद स्वास्थ्यकर्मी समाजको सहकार्यमा एक दिने निशुल्क स्वास्थ्य प्रवर्द्धन शिविर सम्पन्न भएको छ। “मेरो स्वास्थ्य, मेरो जिम्मेवारी” भन्ने नारासहित ...

तेस्रो माइजोगमाई अध्यक्ष कपको उपाधि माङ्सेबुङलाई

दमक, ३१ वैशाख । माङ्सेबुङ गाउँपालिकाले तेस्रो माइजोगमाई अध्यक्ष कप अन्तरपालिका आमन्त्रित पुरुष फुटबल प्रतियोगिताको उपाधि जितेको छ ।  बुधबार सम्पन्न फाइनल खेलमा देउमाई नगरपालिकालाई टाइब्रेकरमा ४–१ गोल अन्तरले पराजित गर्दै माङसेबुङ च्याम्पियन बनेको हो । निर्धारित समय १–१ गोलको बराबरी पछि खेल टाइब्रेकरमा पुगेको थियो । दोस्रो हाफको ७औं मिनेटमा माङसेबुङका आशाङ लिम्बूले गोल गर्दै टिमलाई सुरुवाती अग्रता दिलाएका थिए । एक गोलले पछि परेको देउमाई २५औं मिनेटमा किरण...

निशुल्क १ महिने पेटानि (बाेन्हा) बुन्ने तालिमकाे समापन

अजित धिमाल उर्लावारी, ३१ वैशाख/ धिमाल जातीय विकास केन्द्र, केन्द्रीय समितिकाे आयाेजनामा भएकाे निशुल्क १ महिने पेटानि (बाेन्हा) बुन्ने तालिम सम्पन्न भएको छ । धिमाल परियाेजना स्थल, उर्लाबारी-३, मंगलबारेमा आज एक कार्यक्रमकाे आयाेजना गरि तालिम...

माेर्चालाई सशक्त बनाउन माेरङ जिल्ला स्तरिय अभियान सन्चालन हुने

बेलबारी, ३० वैशाख / संयुक्त पहिचानवादी माेर्चालाई सशक्त बनाउन माेरङ जिल्ला स्तरिय अभियान सन्चालन हुने भएकाे छ । पहिचानवादी माेर्चा, जिल्ला संयाेजन समिति, माेरङकाे साेमबार बेलबारीमा बसेकाे बैठकले माेर्चालाई सशक्त बनाउन संगठन बिस्तार, अन्तरकृया, भेटघाटलाई...