माइबेनी मेला यो बर्ष नलाग्ने

 लिम्बुवान न्युज
                       

झापा, ३० पुष । पूर्वकै चर्चित कन्काई नदी किनारमा लाग्ने माइबेनी मेला कोभिड १९ को संक्रमणदरलाई मध्यनजर गर्दै यो बर्ष नलाग्ने भएको छ ।

सोमवार झापाको कनकाई नगरपालिका र शिवसताक्षी नगरपालिकाका प्रमुख र प्रतिनिधिहरु तथा प्रहरी प्रमुखहरुको बैठकबाट परम्परादेखि कनकाई नदीको दुबै किनारामा लाग्दै आएको कनकाई माईवेनी मेला नलगाउने निर्णय गरिएको कनकाई नगरपालिकाका प्रमुख राजेन्द्रकुमार पोखरेलले जानकारी दिएका छन् ।

यसअघि पुस २८ गतेदेखि माघ २ गतेसम्म कनकाई माईको दुबै किनारामा मेला लगाउनका लागि टेन्डर आव्हान गरिएको थियो । सीसीएमसीको बैठकको निर्णयपछि नगरपालिकाले समेत मेला ठेक्काको सबै निर्णय फिर्ता गरी सम्बन्धित ठेकेदारहरुको रकम फिर्ता दिने निर्णय भएको शिवसताक्षी नगरपालिकाका उपप्रमुख भोजकुमारी नेपालले बताइन् ।

कनकाई माईवेनी मेला भर्न र मकर स्नान गर्न नेपाल तथा भारतबाट समेत ठूलो संख्यामा भक्तजनहरु आउने गरेका थिए । बैठकमा कनकाई नगरपालिकाकी उपप्रमुख मञ्जु प्रसाई, कनकाई नगरपालिकाका प्रमुख प्रशासकीय अधिकृत मोहनप्रसाद न्यौपाने, इलाका प्रहरी कार्यालय बिर्तामोडका प्रहरी प्रमुख सन्तोष आचार्य, वडाध्यक्ष रोशनराज पोखरेल, इलाका प्रहरी कार्यालय सुरुङ्गाका प्रहरी प्रमुख मानबहादुर जिम्बा लगायतको सहभागिता रहेको थियो ।

सम्बन्धित समाचार

पोक्लाबाङ यकको अतिक्रमण रोक्न माग

फेदाप, २ माघ । पोक्लाबाङ यक माङ्गेन्ना लुङ्धुङ थाम्रुङ फेदापको प्रथम साधारणसभा सम्पन्न भएपछि आज संस्थाको पारित रणनीति तथा कार्यक्रमहरु प्रेस विज्ञप्ति मार्फत सार्वजनिक गरेको छ । आइतबार सम्पन्न साधारणसभाले फेदाप क्षेत्रका ऐतिहासिक भुमिहरुलाई जिवन्त...

इलामको फाल्गुनन्द–सुकिलुम्बा विमानस्थलबाट हवाई उडान सुरु हुने

इलाम, २ माघ । इलामको फाल्गुनन्द–सुकिलम्बा विमानस्थलबाट उडान सुरुहुने भएको छ । यहि ८ फागुनदेखि इलाम काठमाडौं उडान हुने भएको हो । काठमाडौं–इलाम–काठमाडौं उडानको लागि तारा एयरलाइन्स र इलाम नगरपालिकाबीच सम्झौता भएको छ । साताको...

आगलागी पिढीतलाई राहत हस्तान्तरण

पाँचथर, २ माघ । फालेलुङ् ३स्थित ताङ्लेपाका आगलागी पिढीत पूर्ण केरुङ्लाई राहत हस्तान्तरण गरिएको छ । गत पुष १४ गते केरुङ्को घर जलेर नस्ट भएको थियो । आइतबार संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय...

पोक्लाबाङ यक माङ्गेन्ना लुङ्धुङको प्रथम साधारणसभा सम्पन्न

सेसेहाङ चोङबाङ, तेह्रथुम । फेदाप, १ माघ । पोक्लाबाङ यक माङ्गेन्ना लुङ्धुङ थाम्रुङ फेदापको प्रथम साधारणसभा सम्पन्न भएके छ । फेदाप पोक्लाबाङ स्पोर्टिङ क्लबको सभाहलमा आयोजित साधारणसभा बृहतरुपले सम्पन्न भएको हो । १८ थरी लिम्बुहरुले...