पाँचथर, २ माघ । फालेलुङ् ३स्थित ताङ्लेपाका आगलागी पिढीत पूर्ण केरुङ्लाई राहत हस्तान्तरण गरिएको छ । गत पुष १४ गते केरुङ्को घर जलेर नस्ट भएको थियो ।

आइतबार संघीय लोकतान्त्रिक राष्ट्रिय मञ्च, संघीय लिम्बुवान प्रान्तीय मञ्च जिल्ला पाँचथरका अध्यक्ष चन्द्रराज आङ्देम्बेको हस्तबाहुलीबाट ३५ हजार ५ सय रुपैयाँ रकम हस्तान्तरण भएको हो ।

आगलागीबाट केरुङ्को घर सहित घरभित्रको सबै सामान जलेर नस्ट भएको स्थानीय नेता गगन जवेगुले बताए । पिढीतलाई मञ्चको फालेलुङ् पालिकाद्वारा संकलित रकम हस्तान्तरण गरिएको हो । रकम हस्तान्तरण कार्यक्रममा जिल्ला नेता कुमार यक्वा मौसम, फालेलुङ अध्यक्ष कुमार केरुङ् लगायत नेताहरुको उपस्थिति रहेको थियो ।