लिम्बुवानखबर, दमक । दमक नगरको एक मात्र सरकारी अस्पतालमा कार्यरत स्वास्थ्यकर्मी तथा कर्मचारीहरुमा कोरोना संक्रमण देखिएपछि अत्यावश्यक बाहेकका सेवा बन्द गरिएको छ ।
बुधबारदेखि शुक्रबारसम्म चार दिनका लागि अत्यावश्यक बाहेकका सबै सेवा बन्द गरिएको अस्पतालकी सूचना अधिकारी देबी दंगालले वताइन् ।
अस्पतालका एक दर्जनभन्दा बढि चिकित्सकसहित स्वास्थ्यकर्मी र कर्मचारीहरुमा कोरोना संक्रमण पुष्टि भएको थियो ।
यस क्षेत्रको स्वास्थ्य बिमाको प्रथम विन्दु दमक अस्पताल मानिन्छ । यस अस्पतालमा दैनिक एक हजार बढी विरामीले बिमामार्फत उपचार सेवा पाउदैआएका मेडिकल सुपरिटेन्डेन्ट डा. खड्ग लिम्बूले बताए । संक्रमणका कारण अस्पतालबाट विमा मार्फत उपचार पाइरहेका सेवाग्राहीहरु मारमा परेको उनले बताए ।
Related