दमक, १९ पुष । संघीय लोकतान्त्रिक राष्ट्रिय मञ्चका संघीय उपाध्यक्ष चन्द्र कुमार लिङ्देन पितृ शोकमा परेका छन् । उपाध्यक्ष लिङदेनका पिता खड्ग सिंह लिङदेनको पुष १८ गते सोमबारका दिन ८९ बर्षको उमेरमा निधन भएको हो ।

पाँचथर सुझाङ ९ पेयाक्पामा बिक्रम सम्वत १९९० साल फाल्गुन ३ गते जन्मिनु भएका लिङदेन हाल झापा दमकमा स्थायी रुपमा बस्दै आएका थिए । दुई छोरा र दुई छोरीका धनी उनको पार्थी शरिरलाई आज मंगलबार किरात धार्मिक परम्परा अनुसार कमल गाउँपालिका तोपगाछीस्थित केर्खा बजारमा अन्त्येष्टि गरिएको छ ।

मञ्चका संघीय अध्यक्ष कुमार लिङदेन, उपाध्यक्ष ज्ञानुहाङ इम्बुङ्, उपाध्यक्ष तथा प्रदेश नं. १ सामाजिक विकास राज्य मन्त्री विष्णु तुम्बाहाम्फे, संघीय महासचिव अशोक चेम्जोङ् लगायत मञ्चका विभिन्न तहका नेताहरुको उपस्थितिमा पार्टीको झण्डा ओडाई एक मिनेट मौनधारण गर्दै मञ्चको तर्फबाट मन्त्री तुम्बाहाम्फेलाई श्रद्धाञ्जली मन्तव्य दिई मृतक प्रति श्रद्धाञ्जली व्यक्त गरिएको थियो ।

यूकेमा कार्यरत उपाध्यक्ष लिङदेन मञ्चका अन्तराष्ट्रिय समन्वय मञ्चका संयोजक समेत हुन् ।