बैंकर्स संघद्वारा ब्याजदर घटाउने निर्णय

 लिम्बुवान न्युज
                       

काठमाडौं-  बैंकर्स संघको आज बसेको बैठकले  ब्याजदर घटाउने निर्णय गरेको छ। वाणिज्य बैंकका प्रमुख कार्यकारी अधिकृतहरूको संस्थाले माघदेखि निक्षेपको ब्याजदर घटाउने निर्णय गरेको हो।

संघका अध्यक्ष सुनिल केसीले राष्ट्र बैंकको निर्देशिका अनुसार नै ब्याजदर घटाउने निर्णय गरिएको जानकारी दिए। राष्ट्र बैंकको निर्देशिका अनुसार बैंक तथा वित्तीय संस्थाहरूले १० प्रतिशतसम्म ब्याजदर घटबढ गर्न पाउँछन्। सोहीअनुसार माघदेखि ब्याजदर घट्ने भएको हो।

निक्षेपको ब्याज घटेसँगै बैंकहरूले आधारदर परिवर्तन हुनेछ। आधारदरका आधारमा ऋणको पनि ब्याजदर घट्नेछ।

लामो समयदेखि बढिरहेको ब्याजदरका कारणले अर्थतन्त्र संकटमा गएको भन्दै उद्योगी व्यवसायीले विरोध जनाउँदै आएका थिए। नयाँ सरकार गठन भएपछि अर्थमन्त्री तथा नेपाल राष्ट्र बैंकका गभर्नरसँग व्यवसायीहरूले निरन्तर संवाद गरेका थिए।

पछिल्लो समय बैंकिङ प्रणालीमा तरलता थपिएकाले ब्याजदर घटाउने अवस्था आएको निष्कर्षमा बैंकरहरू पुगेका हुन्।

यद्यपि आयकरको पहिलो किस्ता बुझाउने म्याद पुस मसान्तसम्म रहेकाले तरलताको वास्तविक चित्र माघ १ पछि नै देखिनेछ।

नेपाल राष्ट्र बैंकका अनुसार वित्तीय प्रणालीमा मंगलबारसम्म झन्डै ५३ खर्ब ११ अर्ब निक्षेप पुगेको छ। गत बिहीबारसम्म ५२ खर्ब ९५ अर्ब रहेको निक्षेप पाँच दिनमा १६ अर्ब बढेर ५३ खर्ब ११ अर्ब रुपैयाँ पुगेको छ। ऋण प्रवाह भने ४७ खर्ब ७८ अर्ब रुपैयाँ पुगेको छ। एकैदिन बै‌ंकहरुले ऋण प्रवाह ५ अर्ब रुपैयाँ गरेका छन्। साेमबारसम्म ऋण प्रवाह ४७ खर्ब ७३ अर्ब रुपैयाँ रहेकाेमा मंलाबारसम्म बढेर ४७ खर्ब ७८ अर्ब रुपैयाँ पुगेकाे छ।

राष्ट्र बैंकको पछिल्लो तथ्यांकअनुसार बैंक तथा वित्तीय संस्थाहरूको औसत कर्जा निक्षेप अनुपात (सीडी) रेसियो ८६.६५ प्रतिशत रहेको छ। बैंकहरूले ९० प्रतिशतको कर्जा निक्षेप अनुपातसम्म कर्जा दिन सक्ने भएकोले उनीहरूले थप करिब ३ खर्ब कर्जा दिन सक्ने देखिन्छ। यता अन्तरबैंक ब्याजदर पनि ६.१४ प्रतिशतमा पुगेको थियो।

खासगरी बैंकहरूमा रहेको स्थानीय तहको बजेटमध्ये ८० प्रतिशतलाई निक्षेपमा गणना गर्न पाउने निर्णय सरकारले गरेका कारण पनि अहिले बैंकहरूमा तरलता सहज बनेको छ। यसअघि त्यो व्यवस्था पुस मसान्तसम्मका लागि थियो। त्यसको म्याद नथपिँदा समस्यामा पर्न सकिने भएकाले बैंकहरूले सिडी रेसियो तल झारेर राखेका थिए। सो व्यवस्थाको अवधि थपिएपछि अब असारसम्मका लागि बैंकहरूलाई कर्जा विस्तार गर्न सहज भएको छ। (विजनेस न्यूजबाट)

सम्बन्धित समाचार

जारी-२ काे छायाँकन पान्थरमा शुरू

झापा, दमक, ३० वैशाख ।  बहुप्रतीक्षित फिल्म ‘जारी : सङ् अफ च्याब्रुङ’को छायांकन पान्थरबाट सुरु भएको छ । बुद्ध जयन्ती चण्डीपूर्णिमा (उभाेली)को अवसर पारेर मंगलबारदेखि छायांकन सुरु भएको हाे । चलचित्रकाे छायांकन शुरू भएकाे चलचित्रका...

किरातीहरुले उभौली पर्व हर्षाेल्लासका साथ मनाए

ललितपुर, २९ वैशाख । किरात राई समुदायले आज सांस्कृतिक पर्व उभौली मनाएका छन् । अन्न उब्जनी हुने प्रकृति भूमिको पूजाआजा गरी किरात समुदायले उभौली पर्व मनाएका हुन् । पूर्व प्रदेश १ को सबै जिल्लामा बसोबास...

२५६९औं बुद्ध जयन्ती विविध कार्यक्रम गरि मनाइदै

काठमाडाैं, २९ वैशाख । आज सोमबार २५६९औं बुद्ध जयन्ती मनाइँदै छ। शान्तिका अग्रदूतका रूपमा विश्वमा परिचित सिद्धार्थ गौतमको जन्मजयन्तीको अवसरमा बुद्धको पूजा, आराधना एवं प्रवचन गरी मनाइँदै छ। प्रत्येक वर्ष वैशाख शुक्ल पूर्णिमाका दिन बुद्ध...

इन्द्र लुम्फुङ्वाको संयोजकत्वमा संयुक्त पहिचानवादी मोर्चा मलेसिया प्रवास समिती गठन

मे ११,२०२५, क्वालालम्पुर, मलेशिया । मलेशियामा संयुक्त पहिचानवादी मोर्चा प्रवास समिति गठन भएको छ । मोर्चाका संयोजक प्रा.डा. महेन्द्र लावतीको प्रमुख उपस्थितिमा क्वालालम्पुरस्थित इन्द्र लुम्फुङवाज्युको संयोजकत्वमा ३७ सदस्यीय मोर्चा प्रवास समिती मलेसिया गठन गरिएको हो...