नागरिक उन्मुक्ति पार्टीको ऐतिहासिक पहिलो महाधिवेशनले अध्यक्षमा पार्टीका संरक्षक रेशमलाल चौधरी सर्वसम्मत निर्वाचित भएका छन् । निर्वाचन कार्यकतालिका अन्तर्गत निर्धारित समयसम्म उनको मात्रै उम्मेदवारी परेपछि चौधरी सर्वसम्मत भएका हुन् ।
टीकापुर घटनामा जेल परेपछि कारागारबाट जन्मिएको पार्टीको अध्यक्षमा उनकी पत्नी रञ्जिता श्रेष्ठ अध्यक्ष भएकी थिइन् । चौधरीलाई अध्यक्षको लागि रोशन थापा प्रस्ताव बस्दा सानु शाक्यले समर्थन गरेका थिए ।
नाउपाले संस्थापक अध्यक्ष श्रेष्ठलाई सहअध्यक्षमा मनोनित गर्ने निर्णय गरेको छ । उक्त महाधिवेशनबाट पार्टीका संरक्षक रेशम चौधरी अध्यक्षमा निर्वाचित भएपछि बसेको पहिलो बैठकले विधान संशोधन गर्दै रञ्जितालाई सहअध्यक्षमा मनोनित गर्ने निर्णय गरेको हो । यसैगरी वरिष्ठ उपाध्यक्षमा दामोदर पण्डित सर्वसम्मत चयन भएका छन् ।
सात उपाध्यक्ष मध्ये बागमती प्रदेश बाहेक ६ जना उपाध्यक्षहरु सर्वसम्मत चयन भएका छन् । उपाध्यक्षहरुमा रतनबहादुर थापा, शिवकुमार बास्तोला, महेन्द्र पुन, इन्द्रकुमारी लिम्बु (इन्दीरा), रामकुमार महतो र डा. लेखजंग थापा रहेका छन् ।
यसरी नै दुई महासचिवमा मा. गंगाराम चौधरी डंगौरा र ठाकुरसिंह थारु निर्वाचित भएका छन् भने ७ सह–सहमहासचिवमा पदम अधिकारी, रामलाल डंगौरा, पवनकुमार साह, दिलकुमार लावती, राजन गुरुङ, प्रेमवती राना र निरबहादुर श्रेष्ठ रहेका छन् । यसरी नै सचिवहरुमा तुलसीप्रसाद चौधरी, ललित तम्राकार, चन्द्रकुमार चौधरी, विजयकुमार बस्नेत निर्वाचित भएका छन् भने सहसचिवमा क्रमशः पुष्पलता रेग्मी अधिकारी, करिश्मा कठरिया, अहमत हुसेन मनिहार, मणिराम भण्डारी, लालबहादुर रावल, अम्बरबहादुर लिम्बु इजम निर्वाचित भएका छन् ।
यसरी नै ऐतिहासिक प्रथम महाधिवेशनबाट कोषाध्यक्षमा टीकालक्ष्मी चौधरी निर्वाचित गर्दै ३४ जना पदाधिकारी मध्ये २८ जना पदाधिकारी निर्विरोध भएका छन् भने बाँकी पदहरु आगामी फाल्गुन २६ देखि २८ गतेसम्म बस्ने बैठकले तय गर्ने बताइएको छ ।
उक्त महाधिवेशनबाट १९८ जना केन्द्रीय सदस्य निर्वाचित गरेको छ । विधानमा ५०१ जना केन्द्रीय सदस्य रहने व्यवस्था भएसँगै अब थप केन्द्रीय समिति सात वटै प्रदेश, भूगोल, आदिवासी, थारु, दलित, पछडावर्ग, पछडिएको क्षेत्र लगायतबाट मनोनित गर्ने जनाइएको छ ।
नाउपाको ऐतिहासिक प्रथम महाधिवेशनमा ६६ वटा जिल्लाबाट ५ हजार ४७ जना प्रतिनिधिहरु र पर्यवेक्षकहरु सहभागी भएको नव निर्वाचित महासचिव मा. गंगाराम चौधरीले लिम्बुवान खबरलाई बताएका छन् ।
२०७८ सालमा मात्र जन्मिएको पार्टी नाउपाको हाल प्रतिनिधिसभामा ४ जना संसद, प्रदेशमा १२ जना सदस्य र १ सय जना जनप्रतिनिधि रहेको छ ।
ललितपुर/पछिल्लो समय दर्शक स्रोताहरुको मनमा बस्न सफल उम्दा गायक केहेर सिंह लिम्बू र सुमधुर आवाजकी धनी गायिका गंगा फियाकको आवाजमा सजिएको विल्कुलै नयाँ गित ‘भेटै भयो वैसमा सार्वजनिक गरिएको छ । यासेली योङहाङको शव्द तथा...
काठमाडाैं, २१ असाेज । जेनजी आन्दोलनकारीले पक्राउ गर्न दिएकाे जाहेरी बुझेर जिल्ला प्रहरी परिसर काठमाडौँले थप अनुसन्धानका लागि पूर्वन्यायाधीश गौरीबहादुर कार्की नेतृत्वको उच्चस्तरीय जाँचबुझ आयोगमा पठाएको छ । सुदन गुरुङलगातको सक्रियतामा मंगलबार जेनजी समूहले जेनजी...
दमक, १९ असाेज । तमोर कोरिडोरअन्तर्गत यहाँको कुम्मायक गाउँपालिका–३ कात्तिकेमा भएको बोलेरो दुर्घटनामा छ जनाकाे ज्यान गएकाे छ । ज्यान गुमाउने छ जनाको पहिचान खुलेको जिल्ला प्रहरी कार्यालय पान्थरले जनाएकाे छ भने दुर्घटनामा छ जना...
दमक, १९ असाेज । दुइ दिनदेखिकाे परेकाे भीषण वर्षाले निम्त्याएको पहिरोले प्रदेश १ काे इलाम जिल्लामा ठूलो मानवीय क्षति भएको छ। आइतबार विहानसम्मकाे विवरण अनुसार पहिरोले कम्तीमा २८ जनाको ज्यान लिइसकेकाे प्रहरीले जनाएको छ। प्रदेश...
प्रकाशक:
माङ्गेन्ना पब्लिकेशन एण्ड मिडिया प्रा.लि.
प्रदेश न १ , दमक–१, झापा
सूचना विभाग द.नं. २१४६/०७७-७८
कम्पनी दर्ता नं. २४५४५३/०७७-०७८
प्रेस काउन्सिल दर्ता नं. २३१४/०७७-०७